Американски судија ја блокираше одлуката на американскиот претседател Доналд Трамп да прекине реализација на програмата со која се овозможува млади луѓе кои влегле незаконски во САД кога биле деца, да останат и работат и учат законски во државата.
Одлуката е на судијата Вилијам Алсап од Сан Франциско. Тој одлучи администрацијата да продолжи со применување на мерката „ДАЦА“ (Одложена акција за лица кои пристигнале како деца), со која се овозможува така наречените „сонувачи“ да останат во земјата без страв дека ќе бидат депортирани.
Програмата ги заштитува од депортирање околу 800.000 луѓе и им дозволува да работат и учат во САД. Таа беше воведена од Барак Обама во 2012 година.
Во септември, администрацијата на Трамп објави одлука со која се прекинува таа програма. Над 10 американски држави почнаа судски процес против тоа.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
Одговорноста за редакциското опремување на текстовите (наслов, наднаслов, фотографија, тагови) е на ЦИВИЛ Медиа.