Делегација на Советот на министри на Република Босна и Херцеговина, предводена од претседавачот на Советот Денис Звиздиќ, денеска ќе престојува во еднодневна официјална посета на Република Македонија.
Звиздиќ ќе има средба со премиерот Зоран Заев во Владата на РМ, по која ќе одржат заедничка прес-конференција, а билатерална средба ќе одржат и владини делегациии од двете земји кои свечено ќе потпишат договори за соработка.
Како што соопшти владината прес-служба, делегации на Република Македонија и Босна и Херцеговина потоа ќе се приклучуваат кон Маршот на живите и пеш ќе пристигнат пред споменикот на 7144 македонски Евреи во кругот на Тутунскиот комбинат (поранешен Монопол), во рамки на одбележувањето 75 години од холокаустот на македонските Евреи.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
