Новинарот Љубомир Гајдов, на денешната тркалезна маса „Има ли слобода во Македонија“, истакна дека медиумите се тие што се главни истерувачи на криминалот и тие не треба да чекаат од некој друг да им понуди услови за успешно работење.
Самите медиумски работници, според Гајдов, треба да се изборат за правата и слободите што им се загарантирани.истакна дека медиумите се тие што се главни истерувачи на криминалот и тие не треба да чекаат од некој друг да им понуди услови за успешно работење. Самите медиумски работници, според Гајдов, треба да се изборат за правата и слободите што им се загарантирани.
„Ние самите секојдневно мора да се бориме… Она што се случува во МРТВ е застрашувачки. Таа е единствената јавна телевизиска компанија во која што е вселена полицијата. Тоа го немало ниту кај Хитлер, ниту кај Пиноче, ниту кај Сталин. На крајот на мојата новинарска кариера во телевизијата, гостин ми беше Ерван Фуере и вели доле видов пријавница на полиција. Да, велам, амбасадоре, ова е идеален супстрат на Бранко Црвенковски и неговата миленица Гордана Стошиќ, што ја всели полицијата во МРТВ“, изјави Гајдов зборувајќи дека демократијата во една држава зависи од отчетнсоста и транспарентноста, што во однос на медиумите укажува на реалната состојба на медиумите во Македонија.
Презентацијата на проектот„Од разбирање до одбрана“, наодите и препораките од истражувањата и разговорите со луѓето од медиумската сфера и граѓанскиото општество, како и анкетите со граѓанките и граѓаните ја одржа претседателот на ЦИВИЛ – Центар за слобода, Џабир Дерала на тркалезната маса „Има ли слобода во Македонија?“.
Биљана Јордановска
Камера: Дехран Муратов
Монтажа: Ермин Климента
Овој проект е финансиран од Европската Унија преку програмата за мали грантови „Заштита на слободата на медиумите и слободата на изразување во Западен Балкан“ спроведена од Здружението на хрватските новинари, како дел од регионалниот проект „Регионална платформа на Западен Балкан за слобода на медиумите и безбедност на новинарите”, спроведена преку партнерство на шест регионални новинарски здруженија – Здружение на независни новинари на Србија, Здружение на новинари од Босна и Херцеговина, Здружение на новинари на Хрватска, Здружение на новинари на Косово, Здружение на новинари на Македонија и Синдикатот на медиуми на Црна Гора.
