„Во име на Меѓународниот центар за граѓанско општество во 2015 година ја развивме граѓанската повелба како глобална рамка за учество на граѓаните, забележувајќи пораст во прекршувањата на човековите права и слободи во голем број земји во светот“, истакна Бранди Геркинг, претставничката на Меѓународниот центар за граѓанско општество (Берлин, Германија), на конференцијата „Граѓанска повелба – Глобална рамка за учество на граѓаните“.
Таа додаде дека луѓето и нивните организации се соочуваат со најразлични рестрикции и се лишени од правото да учествуваат во обликувањето на нивното општество, а активистите се соочуваат со закани, тие се мачени, затворани и прогонувани поради нивните верувања и убедувања.
„Организациите на граѓанското општество се стигматизирани како странски агенти и екстремисти, па дури и во земји со висок степен на демократија, како САД и Велика Британија, учеството на граѓаните во процесот на донесување на одлуки е доста ограничено. Доколку граѓаните навистина немаат можност да учествуваат во овие процеси светот нема да биде во можност да ги надмине своите предизвици“, потенцираше Геркинг.
Маја Ивановска
Монтажа: Ермин Климента
Камера: Атанас Петровска
Фотографија: Биљана Јордановска
