Собранието на Република Македонија денеска во 14:00 часот ќе ја продолжи 40. седница.
За најголем дел од законите кои се на дневен ред на оваа седница вчера заврши расправата, а пратениците ќе треба само да гласаат за нив. Меѓу нив се и реформските закони за судскиот совет и за судовите.
Пратениците треба да расправаат само за Предлог-законот за високо образование, во прво читање, за кој денеска треба да се изјаснат и членовите на Комисијата за европски прашања.
извор: МИА
