Министерството за информатичко општество и администрација денеска го организира вториот јавен настан „Отворено владино партнерство – дијалог со граѓанските организации за Националниот акциски план 2018-2020“.Целта е да се презентира нацрт-акцискиот план за Отворено владино партнерство (2018-2020), изработен во соработка со граѓанските организации, да се создаде простор за дискусија меѓу граѓанските организации и владините институции за новите предлог активности кои произлегоа од консултативниот процес, како и да се финализира Акцискиот план за периодот 2018-2020 година.
Настанот ќе го отвори министерот за информатичко општество и администрација Дамјан Манчевски, а ќе зборуваат и генералната секретарка на македонското Собрание, Цветанка Иванова, и заменик-постојаната претставничка на УНДП, Нарине Сахакјан. (МИА)
