Македонија денеска ги почнува претпристапните преговори за членство во НАТО, откако на Самитот во Брисел на 12 јули земјата и официјално доби покана за членство.
Во посета на Македонија е Делегација на НАТО предводена од директорот за европски и глобални прашања на Алијансата, Џејмс МекКи, која со претставници на сите релевантни институции вклучени во овој процес ќе разговара за политички, безбедносни, одбранбени, финансиски и правни прашања во рамки на преговорите за членство.
Потпретседателот на Собранието на РМ и пратеник од НСДП, Горан Мисовски, денеска изјави дека е постигната согласност меѓу власта и опозицијата за составот на ДИК и законските решенија што беа договорени на лидерската средба, и оти тие најверојатно во сабота ќе бидат донесени на собраниска седница на која ќе биде распишана и одлуката за референдумот.
Владиниот портпарол Миле Бошњаковски на денешната прес-конференција во Владата, изјави дека амнестија за судските постапки што се водат, а произлегле по објавувањето на прислушуваните разговори, нема да има.
Владата на Република Македонија формира координативно тело кое на дневно ниво ќе ја следи состојбата и ќе координира соодветна хуманитарна помош, што ќе се договори како потреба со надлежните институции во Грција и со градот Атина.
Македонија испрати финансиска помош во износ од шест милиони денари до Владата на Република Грција за справување со катастрофалните пожари што овие денови ја зафатија околината на Атина.
„Строго забранет влез за евреи, муслимани и Турци… Македонски овдешен домаќин, 1. Бранкo Петровски“, пишува на еден графит, односно натпис на ѕидот на еден руиниран дуќан во Гостивар. Фотографиите ни ги испрати граѓански новинар, кој сака да остане анонимен.
А.П.