Амбасадорката на Соединетите Американски Држави во Северна Македонија Анџела Агелер на официјалниот фејсбук профил на Амбасадата упати порака до граѓаните на Република Северна Македонија да излезат на гласање.
Фото: Принт скрин
-Граѓаните и гласачите на оваа земја треба да поставуваат тешки прашања на кандидатите, а потоа тие гласачи… мора да гласаат. Тие мора да излезат таму и да го изберат кандидатот што ги одразува нивните соништа за иднината, и ништо нема да се постигне со негласање, стои во пораката на Амбасадорка Агелер.
Утре ќе се одржи првиот круг од Претседателските избори, на кои во трката за Вила Водно се седум кандидати. Вториот круг заедно со Парламентарните избори ќе се одржи на 8 мај.