Амбасадорката на САД во Украина Бриџит Бринк, на Твитер повика да и се помогне на Украина да се одбрани од злосторствата на Русите, пренесува Укринформ.
„Мојата прошетка низ Бабин Јар беше отрезнувачки потсетник на нацистичките ужаси извршени врз Евреите и другите, кои руските проектили ги направија премногу реални, повторно погодувајќи во близина и убивајќи невини“, напиша таа на Твитер.
„Никогаш не смееме да заборавиме и мора да и помогнеме на Украина да се одбрани од овие најнови злосторства“, нагласи Бринк.
My walk through Babyn Yar was a sobering reminder of the Nazi horrors committed against Jews and others, which Russian missiles made all too real again striking nearby and killing innocents. We must never forget and we must help Ukraine defend against these latest atrocities. pic.twitter.com/SEdiWnl2Ad
— Ambassador Bridget A. Brink (@USAmbKyiv) July 15, 2022
Како што објави Укринформ, на 14 јули Русија ја погоди Виница со ракети Калибр, лансирани од подморница распоредена во Црното Море. Според последните извештаи, во нападот загинале 23 лица, меѓу кои и три деца. Во болниците во моментов се наоѓаат 73 повредени лица. Дури 18 лица се сметаат за исчезнати.
Високиот претставник за надворешна политика и безбедност на Европската унија, Жозеп Борел и европскиот комесар за управување со кризи, Јанез Ленарчич, во изјавата рекоа дека не може да има неказнивост за воените злосторства извршени од руската војска во Украина и одговорните за варварското гранатирање на Виница и убиствата на цивили во другите градови на Украина ќе одговараат.
Подготви: Д.Мишев
