На самитот во Вашингтон оваа недела, лидерите на земјите членки на НАТО ќе преземат значителни безбедносни обврски кон Украина, напиша амбасадорката на САД во Украина, Бриџит Бринк на социјалната мрежа Х, коментирајќи го денешниот руски ракетен напад врз градови низ Украина, пренесува Укринформ.
„Додека лидерите се собираат за 75-годишнината од НАТО, Русија лансираше 40 проектили низ Украина. Оваа бесчувствителна агресија – целосно непочитување на човечкиот живот, загрозувајќи ја европската и трансатлантската безбедност – е причината зошто лидерите ќе преземат значителни безбедносни обврски кон Украина оваа недела“, рече таа.
As leaders gather for @NATO’s 75th anniversary, Russia launched 40 missiles across Ukraine. This callous aggression – a total disregard for human life, jeopardizing European & Transatlantic security – is why leaders will make significant security commitments to Ukraine this week. pic.twitter.com/gQZuDsEezU
— Ambassador Bridget A. Brink (@USAmbKyiv) July 8, 2024
Русија изврши масовен ракетен напад на Кијив, Днипро, Кривј Рих, Славјанск и Краматорск на 8 јули. Беа употребени повеќе од 40 проектили од различни типови.
Со осуда на бруталниот руски ракетен напад врз украинската цивилна инфраструктура, вклучително и детска болниц во Кијив, на платформата за социјалните медиуми Х се огласи и генералната секретарка на Советот на Европа Марија Пејчиновиќ Буриќ.
„Најостро ги осудувам денешните руски напади врз Кијив, чија цел беа цивили. Овие злосторства нема да останат неказнети“, напиша таа во објавата.
I condemn in the strongest terms today’s 🇷🇺 attacks on Kyiv which targeted civilians. These crimes won’t go unpunished / Je condamne avec la plus grande fermeté les attaques 🇷🇺 menées aujourd’hui sur Kiev qui ont ciblé des civils. Ces crimes ne resteront pas impunis
— Marija Pejčinović Burić (@MarijaPBuric) July 8, 2024
Реакција имаше и од Министерот за надворешни работи и надворешна трговија на Северна Македонија, Тимчо Муцунски. Тој на платформата Х напиша дека Русија мора да одговара за ваквиот чин на терор.
„Остро го осудуваме рускиот напад врз детската болница во Киев како грозоморен чин на терор за кој сторителите мора да одговараат. Заедно со нашите НАТО сојузници и партнери, ќе продолжиме да ја поддржуваме Украина додека не се обезбедат мир, стабилност и победа“, напиша Муцунски.
Strongly condemn the Russian strike on a children’s hospital in Kyiv as a heinous act of terror for which the perpetrators must be held accountable. Along with our @NATO allies & partners, we will continue to support @Ukraine until peace, stability & victory are ensured.
— Timco Mucunski (@TimcoMucunski) July 8, 2024
Во руското ракетирање на цивилната инфраструктура беа погодени детска болница, породилиште, претпријатија, бензински пумпи, административни згради и станбени згради.
Нападод доаѓа непосредно пред почетокот на тридневната средба на шефовите на држави или влади на земјите членки на НАТО утре во Вашингтон, со која ќе се одбележи 75-годишнината од формирањето на Алијансата во 1949 година. Според најавите, главни теми на средбата ќе бидат поддршката за Украина, плановите за одвраќање и одбрана на Пактот, зајакнувањето на одбранбена индустрија и инвестициите и зајакнување на глобалните партнерства, но со примарна цел за манифестирање на единство меѓу сојузниците.
Како што објави ЦИВИЛ Медиа претходно бројот на загинатите во Украина како последица на утринските терористички напади се зголеми до 28 лица, а 112 се повредени.
Драган Мишев
