Лулзим Хазири, извршен директор на невладината организација АДИ, во разговор за ЦИВИЛ Медиа зборува за слободата на изразување, медиумските слободи и активизмот.
ЦИВИЛ Медиа: Што за вас претставуваат слободата на изразување, медиумските слободи и активизмот?
Хазири: Медиумите се основа за демократијата на земјите, и уште повеќе за демократијата на државите коишто долго време биле под режим и со контролирани медиуми. Така што, како општество коешто се стреми кон демократија, треба да им дадеме поголема важност на слободата на медиумите затоа што со слободни медиуми ќе имаме и поинформирани граѓани и ќе знаат повеќе за своите права, кои се нивните права и како можат да ги уживаат.Под слободни медиуми се подразбира и слободно и добро информирање на граѓаните, живееме во време на лажни вести коишто се многу проширени за различни цели и се разбира дека слободни и професионални медиуми би дале видлив придонес во овој правец. Мислам, во правец на подобро и вистинско информирање на граѓаните.
ЦИВИЛ Медиа: На кој начин придонесувате или можете да придонесете во борбата за слобода на изразување и медиумските слободи?
Хазири: Како организација којашто се бави со човековите права, ова се надоврзува и со слободата на говорот и слободните медиуми, и обично во нашите активности ги вклучуваме и медиумите, како партнери или како поддржувачи на нашите ективности, секогаш со цел да се постигне човековите права да бидат позастапени во општеството, истите да ги вклучат и медиумите како составен дел од нашите секојдневни активности. Медиумите се нашиот најверен партнер, и најсигурен, во правец на изнесувањето на нашите цели во општеството.
ЦИВИЛ Медиа: Дали досега сте се соочиле со притисоци од политички и бизнис центри на моќ и како се справувате со истите?
Хазири: Асоцијацијата за демократски иницијативи долго време беше под константен притисок од одредени политички кругови во Македонија, во турбулентниот период од 2016-2017 кога се искривуваше името на организацијата, демонизирањето на цивилното општество, десоросоизацијата на цивилното општество, така што, се наоѓаа во многу списоци коишто тие кругови ги ширеа во јавноста и ги праќаа во Америка и кај донаторите коишто ја поддржуваа нашата иницијатива, но ние не им придававме важност и потполно ги игнориравме овие напади врз нашата организација којашто им придава голема важност на доброто владеење внатре во организацијата и транспарентоноста во работата, така што тоа беше нашиот најсилен адут. И со овие вредности бевме посигурни во нашата работа.
ЦИВИЛ Медиа: Кои се вашите препораки во контекст на подобрување на состојбите со слободата на изразување и медиумските слободи?
Хазири: Слободните медиуми и слободното изразување треба да бидат константен стремеж, а не стремеж кон една измена на владата, владите и властите. Треба постојано да биде во средиштето на дејствијата на државните органи, би рекол, над сè. Сакам да кажам дека сите тие активисти што се занимаваат со слободни медиуми, треба да бидат многу поактивни и поинклузивни во однос на на донесување на легислативата која што ќе обезбеди слободни медиуми и слободно изразување. Мислам дека во секој закон што се припрема во правец на креирањето на еден демократски амбиент во медиумите, воедно треба да бидат активисти вклучени и во организациите коишти се бават со медиуми.
Маја Ивановска
Камера: Атанас Петровски
Фотографија: Вулнет Махмути