Граѓанската иницијатива „Спас за Валандово“ за петок, 8 декември, најавуваат протестен марш за итно запирање на рудниците Казандол, Иловица и Боров Дол. Маршот ќе започне во 12 часот, од автобуската станица во Валандово.
На 20 август граѓанките и граѓаните на Валандово гласаа за или против на референдумското прашање за отворање на рудникот Казандол.
Конечните резултати од референдумот во Валандово беа 4,683 гласачи коишто излегоа на референдумот, односно 46,15% од 10,141 граѓанки и граѓани запишани во Избирачкиот список, со што Референдумот не го исполни законскиот цензус.
Самите активисти уште на почетокот на иницијатаивата се соочија со низа проблеми и притисоци. Како еден од главните виновници беше посочен градоначалникот на Валандово, за кој активистите тврдеа дека заедно со украинската амбасада и странскиот инвеститор, извршија силен притисок врз граѓанките и граѓаните да не излезат на референдумот.
„Имавме лични интеракции со градоначалникот каде бевме информирани дека тие со полна пареа работат да не успее референдумот“, изјави Симона Гетова од „Спас за Валандово“ за ЦИВИЛ Медиа, на денот на Рефендумот.
Со оглед на сите перипетии, по неуспешноста на Референдумот, активистите од „Спас за Валандово“ упатија критика и до македонската јавност, тврдејќи дека не ја дала неопходната поддршка.
Во петокот пред автобуската станица во Валандово во 12:30 со граѓанките и граѓаните ќе се повикаат да се приклучат и да дадат поддршка, а активистите од „Спас за Валандово“ ќе ги споделат барањата за итно стопирање на изградбата на рудникот Казандол, Иловица и Боров Дол, на регионалната крстосница Валандово – Пирава – Марвинци (Страиште) во 13 часот.
По блокадите на крстосницата и споделувањето на Барањата, Маршот ќе продолжи кон почетната точка во Валандово.
Организаторите најавија и Конференција „Граѓаните против Рудниците на смртта“ со почеток во 15 часот, на која ќе се споделат искуства од Бугарија, Романија и Грција, за стопирање на отворање рудници со отворен коп. Присутните ќе имаат можност и за дискусија за тоа како приложените искуства можат да се искористат во борбата на македонско тло во отворање рудници.
Според Законот за референдум и други облици на непосредно изјаснување на граѓаните, не може да се распише референдум за исто прашање пред истекот од две години од денот на одржаниот референдум.
Б.Ј.
