Бранимир Јовановиќ ја коментираше владината мерка за субвенционирање на растот на платите. Тој на својот Фејсбук профил пишува:
Мерката за субвенционирање на растот на платите има смисла само ако:
1. Се однесува на плати пониски од одредено ниво, на пример, плати пониски од средната плата (зошто државата да субвенционира ако некој менаџер со плата од неколку илјади евра си ја зголеми платата?);
2. Се однесува на фирми што немаат висока профитабилност (зошто државата да субвенционира плати на некоја банка која остварува профити од десетици милиони евра?);
3. Фирмите се обврзани да не ги намалуваат платите и по завршувањето на субвенцијата (без тоа, платите ќе паднат веднаш по истекот на субвенцијата, и ништо не се постигнало);
4. Е последица на значајно зголемување на минималната плата (без тоа, се сведува на ослободување на фирмите од даноци, како што правеше Груевски).
И, не, мерката нема да чини 40 милиони евра. Мерката ќе чини 120 милиони евра, зашто ќе трае 3 години. Стварно сме многу богати штом можеме да си дозволиме да дадеме 120 милиони евра на вакво нешто…
https://www.facebook.com/brantscho/posts/10156548343237078
Неодамна, Јовановиќ беше специјален гостин на ЦИВИЛ на Семинарот за транспарентност и одговорност во политичките процеси, на кој говореше на тема „Одговорност“.
Прочитајте и:
Бранимир Јовановиќ за можните излези од политичката криза (3 дел)
