Најновите податоци на Европската комисија за животниот стандард во ЕУ, предупредуваат дека 26,5 отсто од хрватските државјани на возраст над 65 години се на прагот на сиромаштијата. Тоа е, според истиот извор, речиси двојно повеќе стари лица изложени на ризик од сиромаштија во Хрватска отколку европскиот просек (14,7 проценти), со што Хрватска е рангирана меѓу шесте социјално најзагрозени држави во ЕУ.
За дел од пензионерите во ризик од сиромаштија, еден од трите критериуми во анализата на Европската комисија за состојбата на пензискиот систем на членките на Унијата. Другите два се односот на пензиите и платата на корисниците на пензија пред пензионирањето и времето на пензионирањето.
И според другите два критериуми, Хрватска е меѓу најранливите членки на Унијата кога станува збор за животниот стандард на граѓаните на возраст над 65 години.
Во Хрватска, соодносот на пензиите и платите пред пензионирањето изнесува 55 отсто од уделот на пензијата во платата. Според вториот показател, само во Литванија (49 проценти удел на пензијата во платата), Естонија (49,2 проценти) и Чешка (52,2 проценти), е понизок отколку во Хрватска, кога се набљудуваат членките на ЕУ.
[divide]
извор: МИА
