Претениците од опозицијата на Хрватска, кои ја поддржаа пресудата на Хашкоит трибунал за лидерите на босанските Хрвати, наведоа денеска дека добиле смртни закани.
Хрватскиот опозициски пратеник Горан Беус Рихемберг објави на неговиот Фејсбук профил дека откако одбил да му оддаде почит на Слободан Праљак, кој вчера по изрекувањето на неговата пресуда испи отров во судница и почина, добил закани меѓу кои и: „Никој не може да ти помогне сега, почни да се молиш“ и „Ќе ти ставам девет милиметри меѓу твоите очи, кучко“.
Рихемберг претходно посочи дека неговата партија Глас нема да учествува на едноминутното молчење за Праљак.
Неговата сопартијка, поранешната министерка за надворешни работи на Хрватска, Весна Пусиќ исто така добила закани.
Пусиќ изјави дека пресудата е резултат на погрешна хрватска политика во деведесетите години, кога тогашните лидерите се обидувале да ја разделат Босна и Херцеговина.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
