ЦИВИЛ го спушта прагот на толеранција за троловите, онлајн насилниците и малициозните профили на социјалните мрежи. Подолг период одредена група дежурни мразачи, не оставаат ниту една содржина која се објавува на Фејсбук профилот на ЦИВИЛ, без негативен коментар. Посебна слабост им се Путин и Русија, но не ги оставаат ни сите останати содржини, линкови и објави без коментар. Бидејќи, за да ги дискредитираат содржините за кои имаат задача, мораат во целост да ja дискредитираат организацијата и нејзината медиумска платформа. Инаку, успехот би бил само делумен или сосема би изостанал.
Пред една недела ЦИВИЛ ги објави првите 5 дежурни мразачи. Денеска ќе ви претставиме нови пет мразачи.
Прв случај: Сања Спанчевска
На нејзиниот Фејсбук профил има само 2-3 фотографии, пишува дека е од Скопје, дека завршила медицина и дека е мажена. Толку! И дека е „патриотка“. И се допаѓаат профили на патриотски здруженија и профилите на Левица. Па не е тешко да се заклучи од каде доаѓаат нападите врз ЦИВИЛ и одобрување и релативизирањето на злосторствата на руските војници во Украина.
Втор случај: Јован Анѓелкоски
Самопрогласен патриот од Вевчани, барем така му пишува на неговиот Фејсбук профил. Подржувач на ВМРО-ДПМНЕ. Негова „специјалност“ и задача е да коментира дека ЦИВИЛ работи за САД.
Трет случај: Дејан Китевски
Мразач од Прилеп и љубител на ликот и делото на „Ќосето“. Сите коментари (се документирани) кои ги напишал на Фејсбук профилот на ЦИВИЛ му завршуваат со зборовите „ма разбираш“. Искрено ние не го разбираме многу што сака да каже, ама веројатно неговите „претпоставени и работодавци го разбираат.
Четврт случај: Мартин Димковски (Бабагинин)
Поддржувач на Путин и релативизатор на злосторствата на руските војници во Украина. Еден од тие што ја напушти Левица на Апасиев. Гласен пропагандист против НАТО. И нормално плукач на ЦИВИЛ.
Петти случај: Валтер Валтер (лажен профил)
Лажен профил кој служи за ширење на руска пропаганда и пропаганда на политичката партија Левица.
Мониторинг тимот на ЦИВИЛ спроведува континуиран мониторинг и анализи на ширењето на дезинформациите и пропагандата во јавната комуникација, а особено во интернет медиумите и социјалните мрежи. Во последно време се бележи менување на пристапот и вокабуларот на онлајн пропагандистите. Тие помалку користат директни навреди и закани со насилство, но уште поинтензивно се присутни со коментари чија основна цел е да се подбиваат и да ги дискредитираат луѓето, институциите и организациите. Тоа се должи на построгите политики на самиот Фејсбук, но и на јавниот притисок.
Според правилата на модерација на социјалните профили на ЦИВИЛ, тие одамна требаше да бидат блокирани. Се разбира, тоа нема многу да помогне, бидејќи тие се присутни и во други онлајн форуми, каде што ревносно ги извршуваат своите пропагандистички задачи.
ЦМТ