Откако ја доби поканата од Претседателот на Врховната рада на Украина, Руслан Стефанчук, Претседателот на Собранието на Северна Македонија, Талат Џафери ни за момент не се двоумеше и веднаш ја прифати поканата да ја посети Украина и со свои очи да ги види злосторствата на руските окупатори, напиша на Твитер амбасадорката на Украина во Северна Македонија, Наталија Задорожњук.
Џафери, заедно со претседателите на парламентите на Романија и Швајцарија ги посетиле градот Ирипин и пистата на Гостомел кои се разурнати од воените дејствија.
Лично ќе се залагам институциите и граѓаните на Северна Македонија да ја пружат сета можна поддршка која што ќе стои на располагање заедно со нашите партнери од Европската унија и меѓународната заедница, изјави претседателот на Собранието Талат Џафери .
Џафери истакна дека лично ќе се залага сликите во Украина да го добијат правото име што им следува, а тоа е, како што вели, геноцид и ништо друго.
Особено ми е задоволство и ја прифатив поканата и лично да ги посетам Буча и Ирпин за лично да ги согледаме последиците од она што е инвазија на Руската федерација врз Украина. Секако, моето присуство е симбол на лична, институционална и поддршка на граѓаните на Северна Македонија за народот на Украина и институциите на Украина. На нас од Западен Балкан ни се свежи сеќавањата од ваквите слики што ги гледавме не подолго од две децении претходно, свеж ни е Речак во Косово, свежа ни е Сребреница во Босна и Херцеговина и секако мислам дека ние најдобро ве разбираме и знаеме што значат овие слики што ги гледаме овде, изјави Џафери.
Во рамките на посетата Предвидено е Џафери да има и обраќање на Конгресот на локалните и регионални совети под претседателство на претседателот на Украина, Володимир Зеленски.
Претседателот на Врховната Рада Руслан Стефанчук изрази длабока благодарност допретседателите на парламентите на три земји што одговориле на неговата покана да ја посети Украина, притоа покажувајќи ја својата поддршка за нашата држава во ова тешко време.
Нашите пријатели се подготвени да ни помогнат на билатерално и меѓународно ниво, да го зајакнат притисокот на санкциите врз Русија, да се приклучат кон обнова на Украина. Веруваме дека ќе победиме“, напиша претседателот на Врховната Рада на Украина Стефанчук на Фејсбук.
Претседателот на Националниот совет на Федералното собрание на Швајцарската конфедерација Ирене Келин исто така изрази зборови на солидарност со Украина.
„Кога бевме во Швајцарија и гледавме што се случува овде на телевизија, бевме длабоко импресионирани. Но, кога го видовме тоа со свои очи, чувствувавме како да е само пекол. Не сте ја изгубиле храброста во овој пекол. Сигурен си во иднина и размислуваш како да организираш обнова на државата. Секогаш сме на страната на меѓународното право, на страната на Меѓународното-хуманитарно право. И се надеваме дека во наредните недели, во следните месеци ќе бидеме близу до вас и заедно со вас, и ќе обновиме независен, суверен, расцветан Украи не“, нагласи г-ѓа Ирена.
Од своја страна, претседателот на Сенатот на романскиот Парламент Флорин Кицу изрази доверба во победата на Украина во војната и подготвеноста на Романија да продолжи да ѝ помага на Украина.
„Бевме со вас од првите часови. Имаме многу бегалци од Украина. Работиме за нив и сигурен сум дека треба уште повеќе да им помогнеме. А и ние треба да направиме повеќе за Украина. Овие треба да се засилат санкциите против Русија. Но, ова треба да бидат и размислувања за тоа како треба да ја вратиме Украина. Треба да помогнеме да ја обновиме вашата земја. Овде гледаме многу висок дух на украинскиот народ. И сигурни сме дека ќе има победа за Украина“, најави Флорин Кицу.
М.Д.
