Државната изборна комисија (ДИК) на вчерашната 162. седница донесе одлука за доделување на средства за тековни трошоци на општинските изборни комисии за спроведување втор круг на локалните избори, во десетте општини кои имаат блокирани жиро сметки.
За општините Струга, Тетово, Брвеница, Градско, Зрновци, Долнени, Боговиње, Карбинци, Старо Нагоричане и Чашка се одредени средства во висина од 538.000 денари, од редовната сметка на ДИК – од средствата за изборни активности.
Средствата се предвидени за патни трошоци, телефонски услуги, канцелариски материјали, трошоци за храна на денот за гласање, услуги за преведувачи и други расходи по налог на ДИК.
Б. Ј.
