• Latest

ДИК прифати само еден приговор, ВМРО-ДПМНЕ тврди дека и тоа е незаконски!

December 18, 2016

Власта со потези што отвораат сомнежи за изборни злоупотреби

August 25, 2025
Фотгорафија: Touch Of Light/Wikimedia

Пентагон: Војниците на Националната гарда на улиците на Вашингтон ќе почнат да носат оружје

August 25, 2025
Ерол Ризаов

Како да ги препознаете лагите

August 25, 2025
Фото: Скриншот од видео на The Guardian

Четири новинари меѓу 15-те загинати во израелскиот напад врз болница, велат официјални лица од Газа

August 25, 2025

Њујок Тајмс: Дали Украина ќе се откаже од Донбас?

August 25, 2025

ДЗР: Системот за интегрирано планирање на ресурсите што го користат голем дел од институциите од јавниот сектор е без соодветна заштита на податоците

August 25, 2025

Пропадна уште едена обид за конституирање на Собранието на Косово

August 25, 2025

ЦУК: Еден активен пожар, два под контрола, вкупно 24 изгаснати пожари

August 25, 2025
Фото: МИА архива

Се комплетира тимот од странски експерти кои ќе утврдуваат дали се правеле непотребни операции во приватните болници

August 25, 2025

МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

August 25, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ПОЛИТИКА

ДИК прифати само еден приговор, ВМРО-ДПМНЕ тврди дека и тоа е незаконски!

December 18, 2016 18:04
in ПОЛИТИКА
Share on FacebookShare on Twitter

Државната изборна комисија во саботата, по неколкудневна, макотрпна работа зад барикади, заштитувана од полициски специјалци, под притисок на толпата демонстранти на улицата пред објектот на некогашна „Нова Македонија“, конечно, прифати само еден приговор на Беса, два приговора беа повлечени од поднесувачот – СДСМ, а останатите 13 беа одбиени. Но, Извршниот комитет на ВМРО-ДПМНЕ објави проглас дека „ДИК донела незаконски одлуки со цел изигрување на изборната волја на народот“, а лидерот Никола Груевски, пред демонстрантите најави дека доколку Управниот суд не ја исправи одлуката на ДИК, „ВМРО-ДПМНЕ нема да ги признае резултатите од тоа прегласување и нема да учествува во прегласувањето“.

Незадоволните од одлуките на ДИК имаат 24 часа да поднесат жалби до Управиот суд, кој има рок од 48 часа да донесе одлука и да ги официјализира резултатите на предвремените парламентарни избори одржани на 11-ти декември.

Со тоа, одговорноста е префрлена пред Управниот суд, а по говорот на лидерот на ВМРО-ДПМНЕ, Никола Груевски пред демонстрантите кои три дена, според нивните изјави, ја „бранеа Македонија“ и „волјата на народот“, може да се очекува, „спонтаните“ демонстрации, да продолжат и пред судот.

Вчера, со четири гласа „за“ и со четири „против“, зашто членот на ДИК од ДУИ се иззема од гласањето, по целодневна расправа, попречувана од скандирањето на демонстрантите, беше одбиен и последниот приговор на СДСМ за избирачкото место 2011 во Теарце, иако партијата тврдеше дека изнесеното гласачко ливче од Избирачкото место, било искористено за „бугарски воз“.

dik-pauza1

Така, ДИК со 6 гласа „за“ и 3 гласа „против“, го прифати само приговорот на Беса за неправилности при гласањето на избирачкото место 0396/1 во Гостивар, каде граѓанката Фатиме Сулејмани не можела да го искористи своето право на глас затоа што претходно некој веќе гласал во нејзино име, што беше и докажано со графолошко вештачење.

Прегласувањето на ова Избирачко место може да го смени конечниот резултат за освоени пратенички места во Собранието од Избирачката единица 6, зашто разликата меѓу ВМРО-ДПМНЕ и СДСМ е „тесна“, околу 300 гласа.

По ваквата разврска, реагираше владеачката партија.

„Извршниот комитет на ВМРО-ДПМНЕ на седница донесе проглас, во кој се вели дека ДИК донесе незаконски одлуки, со цел изигрување на изборната волја на народот, а работата на ДИК се претвори во пародија“, им порача Никола Груевски на своите приврзаници кои вршеа притисок врз ДИК со неколкудневните протести, скандирања и закани. Според него, „незаконските одлуки на ДИК“ може да ги исправи Управниот суд, кого го повика да не дозволи да трпи влијание од никого.

Груевски се закани дека „доколку и Судот ги потврди незаконските одлуки на ДИК, ВМРО-ДПМНЕ нема да ги признае резултатите од тоа прегласување и нема да учествува во прегласувањето!“

 

Print Friendly, PDF & Email
Tags: БесаВМРО-ДПМНЕДИКнепризнавање на резултатитепрегласувањеприговорипрогласСДСМУправен суд
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    95 shares
    Share 38 Tweet 24
  • Мицкоски: Ако поради независните со два потписа изборите не успеат, Владата има уставна можност да постави повереници

    93 shares
    Share 37 Tweet 23
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    90 shares
    Share 36 Tweet 23
  • Одбележан Денот на независноста на Украина во Скопје: Мирот е единствена опција

    87 shares
    Share 35 Tweet 22
  • Ивановска по распитот во Обвинителство: Обвинета сум дека наводно начинот на кој што сме ги отворале предметите во ДКСК и споделувањето на информациите во јавноста, било спорно за пријавителот

    87 shares
    Share 35 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ