Илјадници Малтежани вчера излегоа на протест и повикаа на правда и одговорност за убиството на новинарката Дафне Каруана Галиција.
Повеќето од присутните на протестот носеа плакати и маици испишани со последните зборови на Галиција, неколку минуту пред да биде убиена: „Постојат морничари насекаде околу нас. Ситуацијата е очајна“.
Протестот беше поддржан од Репортери без граници.
„Се сеќавате, пред речиси три години се собравме во Париз, по убиствата во Шарли Ебдо. Денеска се собравме тука во Валета, за Дафне, и сите можат да речат „Јас сум Дафне. Je suis Dafne“, изјави Христов Делеар, генерален секретар на Репортери без граници.
Мајкл Бригуљо, кој ја предводи мрежата на граѓанското општество, рече дека комесарот на полицијата и јавниот обвинител треба да бидат отстранети поради тоа што не постапиле по сознанијата откриени во таканаречените “Панама трудови”.
Каруана Галиција во април објави дека сопругата на премиерот на Малтес, Џозеф Мускат, била корисник на тајна компанија во Панама, наречена Егрант, во која од Азербејџан биле депонирани еден милион евра.
Премиерот и лидерот на оопзицијата кои беа најчести субјекти на истражувањата на новинарката не се појавиле на собирот, туку испратиле претставници од своите партии.
Полицијата отстранила банер на кој Малта е опишана како „мафијашка држава“.
Убиството на новинарката која ја посвети својата кариера за да ги експонира криминалите во малтешката влада, обедини многу од политичарите од опозицијата. Таа постојано ги критикуваше полицијата и правосудната власт.
