ЦИВИЛ-ите се познати по тоа дека за нив не постојат временски непогодби, а со денешниот богат активистички ден ја потврдија максимата дека сите временски услови се добри за активизам. Екипата на ЦИВИЛ во рамките на проектот „Слободни медиуми за слободно општство“, денеска ги посети општините Кичево, Струга, Охрид и Ресен, а утре ќе биде во Битола и Прилеп.
Лошото врнежливо и ладно време не ги поколеба граѓаните и граѓаните во овие четири градови да ги посетат инфо-штандовите на ЦИВИЛ и преку директна комуникација да се запознаат за проектот „Слободни медиуми за слободно општество“ посветен на политичкиот и општествениот дијалог, јакнењето на слободата на изразувањето и медиумската писменост на граѓанките и граѓаните.
Граѓан(к)ите беа заинтересирани што имавме да споделиме со нив и многумина од нив изразија поддршка за нашата работа. Инфо-штандовите беа одлична можност да се информираат за проектот и за останатите проектни активности. Во разговор со тимовите на ЦИВИЛ споделија свои ставови, мислења, како и предлози како до слободни медиуми.
ЦИВИЛ продолжува и понатаму со теренските активности низ Македонија, повикувајќи ги медиумите, активистите и претставниците на граѓанското општество да се запознаат со активностите на организацијата и активно да учествувааат во нив.
Дехран Муратов