За прв пат од потпишувањето на Охридскиот договор, ниту еден Албанец нема клучни позиции во северномакедонската армија.
Отстранувањето на единствениот албански генерал од Оперативната команда ги остави Албанците без застапеност на четирите највисоки воени позиции, се наведува во соопштение од Демократската унија за интеграции ( ДУИ), во кое посочуваат на отстранувањето на на генерал Бесник Емини од позицијата командант на Оперативната команда.
Дополнително, именувањето на генералите Орце Јордев и Мирче Ѓорѓевски, кои добија негативни одговори од НАТО за безбедносни сертификати, предизвикува сериозна загриженост за стратешката ориентација на нашата земја.
Овие случувања укажуваат на тренд кон анти-НАТО, просрпско и проруско лидерство во војската, додека Албанците се систематски исклучени од безбедносниот систем, велат од ДУИ.
За прв пат Агенцијата за разузнавање, Националната агенција за безбедност и Воената агенција немаат Албанци на раководни позиции.
Ова намерно исклучување на Албанците од клучните безбедносни институции претставува сериозна закана за безбедноста на државата и отвора прашања за намерите зад ова етничко чистење во безбедносниот систем.
Во оваа алармантна ситуација, албанските партии во владата мора да престанат со улогата на застапник на антиалбанска и исклучувачка политика.
Албанците нема да останат гледачи туку ќе реагираат за да се заштитат себеси и своите интереси.
Ја повикуваме меѓународната заедница, особено НАТО, да интервенира за да се справи со ова системско исклучување и да обезбеди Северна Македонија да остане посветена на демократските вредности и стратешките партнерства, порачуваат од ДУИ.
Од коалицијата ВЛЕН велат дека додека ДУИ биле на власт, во АРМ никогаш немало повеќе од два генерали Албанци, а сега, од кога е ВЛЕН дел од власта, има дури три.
ДУИ нон- грата се вдлабочени во сон, а од преголема сапнаост почнуваат да зборуваат неврзано. ДУИ зборува за одбрана и безбедност, но заборава дека додека беа тие на власт никогаш немало повеќе од двајца албански генерали, но сега со ВЛЕН на власт имаме тројца албански генерали, за 8 месеци владеење.
Ниту Талат Џафери, ниту Фатмир Бесими, домаќинот на српскиот генерал, крвопиецот на Албанците (Љубиша Диковиќ), не им завршија работа за ДУИ, бидејќи и двата „тешки“ кадри на ДУИ не успеаја да ги заштитат Албанците додека беа министри во ова министерство. Така што, освен што не направија ништо добро, ги посрамотија Албанците со својата сервилност и бескрупулозно потчинување, реагираат од ВЛЕН.
Д. Т.
