Во текот на сиот период од авторитарното владеење на Лукашенко, медиумите беа под целосна контрола, а независните медиуми беа затворани, новинарите прогонувани. Таа ситуација само се заостри по целосната инвазија на Русија против Украина од 24 февруари 2022 година. Белоруските новинарки и новинари се апсат, се прогонуваат, малтретираат, па дури и убиваат од режимот на Лукашенко. За тоа во какви услови работат новинарите во Белорусија еклсклузивно за Цивил сведочат белоруските новинарки Ксенија Халубович и Алена Наскович во панел дискусијата на тема „Зад димната завеса: Белоруските медиуми во стисокот на Лукашенко“
Новинарката Ксенија Халубович, која и самата е работи во егзил во Украина, вели дека најголем број од белоруските независни новинари престојуваат и работат во соседните земји, Полска, Литванија, Украина.
Иако знае дека би била покорисна доколку работи од Белоусија, враќањето назад во моментов не е опција, бидејќи веднаш ќе биде уапсена.
Тие што се останати, работат анонимно, документираат материјали, но не ги објавуваат со своите имиња. Кога запона војната (во Украина) состојбата стана уште потешка, можеа да ве уапсат само за коментар на Фејсбук., вели Халубович.
Претседателката на Здружението на независни новинари на Белорусија, Алена Наскович вели дека ситуацијата во Белорусија се влошува секој ден, а некои медиуми биле приморани да дислоцираат.
Има 25 белоруски новинари во затвор, многу други се казнети со ригорозни административни казни. Тешко е да се занимаваш со новинарство во Белорусија Опасно е да се каже локацијата на новинарите во егзил. Тие се координират преку главната канцеларија во Вилнус, некои новинари се сеуште во Белорусија, се трудиме да им помагаме на сите, најважна е нивната безбедност, посочи Наскович.
На панел дискусијата организира од Цивил на тема „Зад димната завеса: Белоруските медиуми во стисокот на Лукашенко“ денеска, петок, 26 август, со почеток во 14:30 часот. Освен белоруските новинарки Ксенија Халубович и Алена Наскович, ексклузивен гостин во емисијата како и медиумскиот експерт е и д-р Волфганг Ресман од Германија.
Д.Мишев
