Шест лица се сметаат за исчезнати, а 10 се повредени, од кои четворица потешко во експлозија во хидроцентрала во Италија. Повредените се здобиле со тешки изгореници.
Италијанските медиуми јавија дека кај браната на езерото Сувијана, која се наоѓа меѓу Болоња и Фиренца, попладнево околу 15 часот дошло до експлозија.
Полицијата и пожарникарите трагаат по исчезнатите лица.
❌#Bologna, #esplosione nel primo pomeriggio di #oggi in una centrale idroelettrica semi-sommersa a Bargi, nei pressi del lago di Suviana: soccorsi 3 operai feriti, #vigilidelfuoco impegnati nelle operazioni di ricerca di possibili dispersi. Intervento in corso [#9aprile 16:30] pic.twitter.com/EsT20o16lM
— Vigili del Fuoco (@vigilidelfuoco) April 9, 2024
„Се чини дека избувна пожар на деветтиот кат, целата електрана е под нивото на езерото на околу 30 метри длабочина“, објасни градоначалникот на Камуњано, Марко Масинара.
Според првите, делумни информации, „се вршела работа на турбините, внатре има персонал. – Ми рекоа дека пожарникарите се обидуваат да влезат, но имаат потешкотии, појасни градоначалникот.
Портпаролот на компанијата „Енел Грин Пауер“ соопшти дека имало пожар на трансформаторот и посочи дека ги преземале сите безбедносни мерки за евакуација и заштита на персоналот.
