Пратениците на Европскиот парламент на пленарната седница во Стразбур разговараа за ситуацијата во Србија. Освен европските пратеници, зборуваше и еврокомесарката за проширување Марта Кос.
На дебатата во Европскиот парламент се слушнале различни тонови кога е во прашање Србија. Некои беа остри кон српската влада и претседателот Александар Вучиќ, додека други изразија попомирувачки тонови. Заклучокот може да биде дека, она што го потсетија мнозинството пратеници, е дека мирните собири се европска вредност и дека мора да се истражат нападите врз студентите и граѓаните кои мирно протестираа, како и одговорноста за уривањето на железничката станица во Нови Сад кога загинаа 15 лица, пренесе Еуроњуз.
Се слушнаа и предлози што треба да направи Србија, за тоа дека треба да се формира техничка влада која треба да ги подготви следните избори. Од одредени пратеници слушнавме дека ова се најголемите протести во Србија по падот на Слободан Милошевиќ, а многумина отворено ги поддржаа студентите во нивните барања и нивната борба.
На расправата се осврнаа и на тоа дека младите се борат против корупцијата во Србија. Критики имаше и упатени до Европската комисија, а особено до претседателката на Европската комисија, Урсула фон дер Лајен, поради добрите односи со претседателот на Србија, Александар Вучиќ.
„Патот на Србија кон ЕУ е токму она што нуди решенија за многу прашања кои се суштината на барањата на демонстрантите во Србија денес. Реформите што сакаме да ги видиме за време на процесот на пристапување ќе ја зајакнат борбата против корупцијата, ќе обезбедат независност на судството и одговорност на институциите и транспарентни јавни набавки, ќе ја промовираат слободата на медиумите и плурализмот на изборите и ќе ги подобри условите за избори“, рече Марта Кос.
Пратеникот во Европскиот парламент Лукас Фурлас изјави дека Србија е еден од столбовите на стабилноста на Западен Балкан и е дел од европското семејство.
„Тука сме да помогнеме да одговориме на сите проблеми и предизвици. Српскиот народ знае што треба да направи за да влезе во Европската унија и ние ќе му помогнеме во тоа“, рече Фурлас.
„Сведоци сме на политичка криза во Србија, а политичките кризи бараат политички решенија. Решенија не можат да бидат протерување на граѓаните на Европската унија или неосновани обвинувања за странско мешање. На новите избори, доколку се случат, треба да им претходи реформа на изборниот систем во согласност со препораките на ОБСЕ и Советот на Европа“, рече известувачот на Европскиот парламент за Србија, Тонино Пицула.
Од друга страна, европарламентарецот Гордан Босанац од редовите на Green/EFA, во своето обраќање посочи дека Србија не е само Вучиќ, ЕУ не е само фон дер Лајен, нé има од двете страни на ѕидот и не даваме да ни ги кршат багремите.
Srbija nije samo Vučić, EU nije samo von der Leyen. Ima nas i s jedne i s druge strane zida koji nedamo da nam lome bagrenje. pic.twitter.com/7KrWa31QsD
— Gordan Bosanac (@GordanBosanac) February 12, 2025
Тој ја критукуваше претседателката на ЕК, Фон дер Лајен за изјавата од октомви 2024 година, која ја нарече политички длабоко пограшна и со која му дава поддршката на Вучиќ, и на тој начин нанела штета на проширувањето, разгорувајќи ги сомневањата на голем дел од граѓаните на Србија во ЕУ.
Европарламентарецот и порша на еврокомесарката за проширување, Кос, дека не е време за инклузивен дијлог со автократот, туку е клучно да се даде јасна и гласна поддршка за студентите.
Расправата всушност ја заокружи оваа тема во Европскиот парламент, барем кога е во прашање оваа сесија, бидејќи освен расправата нема резолуција или документ што би се формулирал, туку останува само на оваа расправа. Можеби е важно да се каже и дека цела оваа дискусија од балкон ја следеа неколку пратеници од српскиот парламент, кој ја сочинува делегацијата за соработка со Европскиот парламент, бидејќи во следните два дена овде во Стразбур се одржува средба меѓу делегациите на српскиот парламент и делегациите на Европскиот парламент.
