На одбележувањето на три години откако Русија ја започна својата целосна инвазија на Украина, европските лидери и канадскиот премиер Џастин Трудо пристигнаа во Кијив во знак на поддршка, објави Би-би-си, пренесува ЦИВИЛ Медиа.
Лидерите ќе разговараат за воените напори на Украина подоцна денеска, бидејќи американскиот претседател Доналд Трамп врши притисок врз претседателот Зеленски.
По повод годишнината, претседателот Зеленски го поздрави „апсолутниот хероизам“ на Украинците и „трите години отпор“
Пред три години, Владимир Путин веруваше дека моќната и модернизирана руска армија брзо ќе ја освои Украина. Руските тенкови влегоа во Украина, во обид да го заземат главниот град Кијив. Но, тие беа принудени да се вратат назад, а првите линии на војната се преселија во источна Украина.
Подготви: Д. Мишев
