Федерален судија во Калифорнија во четвртокот привремено ја блокираше администрацијата на Трамп да им нареди на американското Министерство за одбрана и другите федерални агенции да извршат масовни отпуштања на илјадници неодамна ангажирани вработени, пренесува Ројтерс.
Окружниот судија на САД, Вилијам Алсуп во Сан Франциско, за време на сослушувањето рече дека Канцеларијата за управување со персоналот на САД нема овластување да им нареди на федералните агенции да отпуштат работници, вклучително и вработените на пробна работа кои обично имаат помалку од една година искуство.
Републиканскиот претседател Доналд Трамп и милијардерот Илон Маск, кој го надгледува таканаречениот Оддел за владина ефикасност, водат невиденакампања за намалување на федералната бирократија, вклучително и преку кратење на работни места.
Тие напори резултираа со жестоко одбивање од страна на демократите, синдикатите и федералните работници, кои тврдат дека кратењето на работните места е незаконски и може да ги компромитира функциите на владата.
Администрацијата веќе беше принудена да отповика дел од персоналот на критичните улоги. Но, Трамп го поддржа Маск до крај и ја прифати целта на Маск за намалување на 1 трилион долари од буџетот на нацијата од 6,7 трилиони долари.
Експертите за буџет велат дека Маск, извршниот директор на SpaceX и Tesla (TSLA.O), најверојатно нема да ја достигне својата цел со намалување на работните места и намалување на отпадот и измамите, а можеби ќе треба да ги намали владините програми, вклучувајќи ги и придобивките.
Подготви: Д. Мишев
