„Сцените кои ги гледам денес од Струга се крајно разочарувачки за мене. Ги толкувам единствено како целосно непочитување на здравствените работници и сите кои деноноќно работат за да ја надминеме кризата. Од почетокот постојано повторувам дека без поддршка од граѓаните, здравствените работници не можат да направат ништо. Буквално ништо. Ако сакаме да го задржиме овој позитивен тренд мора ги почитуваме мерките без исклучок. Исто така, барам да се спроведе истрага како се дозволило да се случи ваков вид на собир кој е строго забранет. Апелирам до граѓаните да се воздржат од било какви собири за да конечно почнеме да го враќаме животот во нормала“, напиша министерот за здравство Венко Филипче на Фејсбук.
https://www.facebook.com/filipce.venko/posts/2382000762106943
Денеска во Струга се одржа традиционалната еордија – литија, по повод празникот Св. Георгиј Победоносец, Ѓурѓовден и покрај препораките за заштита од корона вирусот.
