• Latest
Фото: Скриншот од видео на European Commission/ Фејсбук

Фон дер Лајен на турнеја низ Западен Балкан: Тирана, Приштина, Подгорица и Скопје сега, а Белград и Сараево по изборите

September 18, 2026
Фотографија: Колаж/АП

Шенжен: Трамп повика на дијалог, Си на соработка, Путин на заедничко решавање конфликти

November 19, 2026
Јана Коцевска (фото: ИМА)

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тврдењето на Сиљановска-Давкова падна при основна проверка на фактите: Уставниот „рекорд“ не постои

November 19, 2026
Орце Ѓорѓиевски, градоначалник на Скопје (Wikipedia)

Скопје меѓу „шампон“ и ѓубре: Што велат 247 коментари за првата година на Орце Ѓорѓиевски?

November 19, 2026

Европска комисија предлага нови 45 милијарди евра за Украина во 2027 година

November 19, 2026

Правилното чување на тутунот е важно за зачувување на квалитетот пред откупот

November 19, 2026
Поморскиот сообраќај во Црното Море се соочува со зголемени безбедносни ризици. (Фото: Mosbatho / Wikimedia Commons, CC BY 4.0)

Два поморски инцидента за два дена во Црното Море, спасени 31 морнар

November 18, 2026
Гордана Сиљановска-Давкова гласа за вториот круг на претседателските избори во 2024. Фото: Toshe Ognjanov (VOA). Извор: Wikipedia

Сиљановска-Давкова и „рекордот“ во бројот на уставни измени: Тврдењето падна на проверката на фактите – статистиката во служба на националистичката реторика

November 18, 2026
Анти-владини протести, Братислава, 17 ноември 2026 (Фото: Скриншот од видео на APT News)

Словачка: Илјадници демонстранти протестираа против владата на Роберт Фицо

November 18, 2026
Беџ на АНБ (фото: Архива на Слободен печат)

АНБ и МВР разоткрија мрежа поврзана со Иран: Петмина уапсени поради сомневања за подготовка на атентат во Грција

November 18, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ЕВРОПА ЕВРОПСКА УНИЈА

Фон дер Лајен на турнеја низ Западен Балкан: Тирана, Приштина, Подгорица и Скопје сега, а Белград и Сараево по изборите

September 18, 2026 15:43
in ВЕСТИ, ЕВРОПСКА УНИЈА, РЕГИОН, ТОП 5
Фото: Скриншот од видео на European Commission/ Фејсбук

Фото: Скриншот од видео на European Commission/ Фејсбук

Share on FacebookShare on Twitter

Претседателката на Европската комисија, Урсула фон дер Лајен, ќе го посети Западен Балкан од 30 септември до 2 октомври, а Скопје ќе биде една од трите станици на нејзината турнеја, заедно со Тирана и Приштина, објави италијанската новинска агенција АНСА, повикувајќи се на Европската комисија. Во агендата се наоѓа и Подгорица.

Ова ќе биде шеста година по ред во која Фон дер Лајен реализира турнеја низ регионот. Предвидени се средби со шефови на држави и влади, како и посети на проекти финансирани од Европската унија.

Според портпаролката на Комисијата Паула Пињо, разговорите ќе се фокусираат на „следните чекори на патот на партнерите од регионот кон пристапување во ЕУ и на напредокот во постепената интеграција, поддржана преку Планот за раст за Западен Балкан“.

Посетите на Србија и Босна и Херцеговина засега се оставени за подоцнежен термин поради изборниот календар во двете земји. Во Босна и Херцеговина општите избори се закажани за 4 октомври, само два дена по завршувањето на турнејата на Фон дер Лајен. Во Србија, пак, на 25 октомври ќе се одржат предвремени парламентарни избори, распишани откако претседателот Александар Вучиќ на 9 септември го распушти парламентот.

Еден од клучните инструменти што ќе биде на маса за време на посетата е Планот за раст за Западен Балкан. Тој располага со шест милијарди евра за периодот 2024–2027 година, од кои две милијарди се грантови, а четири милијарди поволни заеми. Исплатите се поврзани со исполнување конкретни реформски обврски, а целта е земјите од регионот постепено да се интегрираат во единствениот европски пазар уште пред полноправното членство.

За Северна Македонија посетата доаѓа во период кога економскиот дел од Планот за раст веќе носи средства, додека политичкиот дел од пристапниот процес останува во застој. До јули годинава земјата има добиено вкупно 142,1 милион евра преку Инструментот за реформи и раст, по оценката на Европската комисија дека се исполнети дел од договорените реформски чекори.

Истовремено, за отворање на првиот преговарачки кластер останува условот за усвојување на уставните измени предвидени со заклучоците на Советот на ЕУ од јули 2022 година. Европската комисија и во својата последна оценка посочи дека Северна Македонија треба да ги спроведе овие измени и да продолжи со реформите во владеењето на правото, правосудството и борбата против корупцијата.

Фон дер Лајен последен пат беше во Скопје во октомври 2025 година, кога порача дека токму уставната промена е следниот чекор пред отворањето на првиот кластер, додека Планот за раст треба паралелно да ја приближува земјата до Европската унија.

ЦМ Деск

ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ