Сопругата на премиерот Димитар Ковачевски, Елена, во Вилнус, Литванија, присуствуваше на повеќе настани од организирани во рамки на НАТО Самитот од страна на Првата дама на Литванија, г-ѓа Дијана Науседа.
Ковачевска, заедно со сопругите на шефови на држави кои учествуваат на Самитот на НАТО, ја посетија Националната галерија за уметност во Вилнус и присуствуваа на презентација на литванската култура, информираа од кабинетот на премиерот на прашање на ЦИВИЛ Медиа.
Сопругата на премиерот Димитар Ковачевски, Елена, го посети и Центарот за деца и жени бегалци од војната во Украина кој се наоѓа во литванската престолнина. На овој настан, Елена Ковачевска се сретна и со Првата дама на Украина Олена Зеленска.
На настаните организирани од првата дама на Литванија, покрај сопругата на премиерот Ковачевски, Елена, присуствуваа и првите дами на Франција, Чешка, Полска, Република Кореа, Словачка, сопругите на премиерите на Албанија, Белгија, Данска, Грција, Луксембург, Јапонија, како и сопругата на Генералниот Секретар на НАТО и сопругата на претседателот на Европскиот Совет.
Елена Ковачевска го придружува својот сопруг премиерот Ковачевски на дводневниот Самит на НАТО што се одржува во главниот град на Литванија, Вилнус.