• Latest
Џабир Дерала (фото: Биљана Јордановска / ЦИВИЛ)

Германскиот шмек на македонската политика

March 7, 2021

ИЗБОРНА ХРОНИКА: На пет дена до втор круг од локалните избори – ветувања за исчистено Скопје во рок од 72 часа, финансиска поддршка од 7000 денари за пензионерите, разрешени избирачки одбори во Шуто Оризари

October 27, 2025

Изборите и коалицијата: ВЛЕН му го залула чунот на Мицкоски

October 27, 2025

Зебрњак: Историјата како алатка за влијание и тензии во Северна Македонија

October 27, 2025

ДИК утре ќе ги објави конечните резултати од првиот круг на локалните избори – разрешени избирачки одбори во Шуто Оризари

October 27, 2025
Фото: МВР

Приведени двајца полицајци за грабежот на златарницата во Гостивар

October 27, 2025
Креирано со помош на ВИ

Новата нуклеарна ракета на Путин – демонстрација на сила или страв од пораз?

October 27, 2025

ЕУ ја потпиша Конвенцијата на ОН за борба против сајбер криминалот

October 27, 2025
фото: Џ.Д. / ЦИВИЛ

Приведени две лица од раководството на „Комунална хигиена“ – меѓу нив и директорот Сабахудин Рустеми

October 27, 2025

ЕК распиша конкурс за проекти за прекугранични новинарски партнерства и медиумски плурализам

October 27, 2025
Поранешниот секретар на НАТО, Лорд Џорџ Робертсон. Фото: Скриншот од видео на
UK in Austria

Поранешниот шеф на НАТО: Српската православна црква е главен дистрибутер на руските политички интереси на Балканот

October 27, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home АНАЛИЗИ

Германскиот шмек на македонската политика

March 7, 2021 09:45
in АНАЛИЗИ, ПОЛИТИКА, СЛОБОДНА ЗОНА, ТЕЖИШТЕ, ТОП 5
Џабир Дерала (фото: Биљана Јордановска / ЦИВИЛ)

Џабир Дерала (фото: Биљана Јордановска / ЦИВИЛ)

Share on FacebookShare on Twitter

пишува: ЏАБИР ДЕРАЛА

Заев никако да ги симне чевлите со кои прави чекори од седум милји низ македонската политичка џунгла. ВМРО сѐ уште се тетерави по нокаутот, откако Заев самиот го постави на гласање прашањето за доверба на владата (преседан во меѓународни рамки). По неколкумесечните закани на Мицкоски дека е на чекор до парламентарно мнозинство, не само што се покажа дека такво нешто нема, туку опозицијата не смогна сили и храброст да крене ниту еден црвен картон во парламентот, па изгуби со 62:0 во краткиот политички јуриш на Заев. Скромно, без ликување, Заев ја прифати оваа политичка победа (уште една во долгата низа) и без двоумење фрли уште една бомба за да ја раздвижи македонската рововска политика. Ѝ даде германски шмек на македонската политика. Уште еден преседан!

ВЛАДА НА НАЦИОНАЛНО ЕДИНСТВО! Со тукушто потврден мандат на владата во парламентот, со повеќе од три години владеење пред него, Заев ширум ги отвори портите на својата влада за опозицијата. Се разбира, за тие со кои може да се разговара, при што, логично, го издвои Мицкоски и го дисквалификува. Тоа, би сакал да верувам, ја подразбира целата братија околу тронот во командната кула на партијата која во ниеден момент не се откажа од своето мрачно минато (и сегашност).

Зошто Заев би го направил ова? Кои се опасностите по демократијата и прогресот? Како една влада во која се наоѓа ВМРО, ќе се одрази врз суштинските реформи поврзани со правдата, образованието, интеграциските процеси и концептот „Едно општество за сите“?

Прво, тоа ќе биде процес. Низ тој процес, и на вмровците ќе им се укаже шансата да направат временски скок од 19-ти во 21-ви век, да се спасат и да станат вистински европска конзервативна партија, а не дувло на ултранационалисти, насилници со криминално досие и антизападни пропагандисти. Тоа секако ќе ги раздвижи и другите политички ровови, на двете страни од политичкиот фронт, бидејќи СЕКОЈА ПАРТИЈА ЌЕ МОРА ДА ГО ДАДЕ НАЈДОБРОТО ОД СЕБЕ за да учествува во влада на националното единство.

Две децении пишуваме и покренуваме иницијативи и проекти за политичко помирување и дијалог. Конечно, се најде некој тоа и конкретно да го предложи на највисоко политичко ниво. Уште еднаш: наспроти комотната позиција во која се наоѓа, со уште три години мандат пред него!

Што ќе се постигне со влада на национален спас? Прво, ќе се откочат законодавните процеси од високо стратешко значење за целата држава, пред сѐ реформите за кои сите ги очекуваме, за да излеземе од сенката на режимот и изолацијата. Понатаму, одговорноста за најтешките и најважните државни проекти ќе биде споделена, а со тоа и заслугите од успехот. На тој начин, ќе се создадат услови за надминување на политичката шизофренија од која страда ВМРО со децении и можеби ќе се извлече од канџите на антидемократските центри на моќта. Партијата што ја формира Љубчо Георгиевски на крајот на 80-те години од минатиот век, ќе се спаси од понатамошно тонење и ќе добие шанса да стане државотворна.

Под услов да им се спушти рампата на неофашистите и криминогените елементи во парламентот, една Влада на национално единство (или спас, кој како милува) ќе ја придвижи земјата во правец на обединување околу европските вредности. Таква влада ќе изнајде најдобри решенија за излез од ковид-кризата без непотребни блокади за стекнување валкан политички профит.

Ќе се отворат вистински дебати и тоа на маса, во владата и во парламентот, без зла крв, а црната пропаганда и Фејсбук/Твитер војните на зборови ќе стивнат. Со ваква влада, се отвора можноста сите заедно да ги прифатат и поддржат, а со тоа да бидат и заслужни за утврдување на стратешките правци на државата (Преспанскиот договор, ЕУ, НАТО, антинационализмот, владеењето на правото и почитувањето на човековите права и слободи…).

Децениската соработка на неприкосновената германска канцеларка Ангела Меркел (до скоро на чело на демохристијанската ЦДУ), со социјалдемократите (СПД) е најдобар пример за тоа како политиката може да ги обедини луѓето и да ѝ донесе колосални, историски успеси на Германија во секоја смисла на зборот.

Дали оваа понуда од Заев е премногу невообичаена? Не е. Тој во двете владини гарнитури што ги предводи од средината на 2017 година до сега, вклучува кадри кои не се исклучиво од неговата партија. Во неговото опкружување има голем број експерти и лидери од граѓанскиот сектор, како што се Бојан Маричиќ, Марјан Забрчанец, Мила Царовска, Ирена Стефоска и низа други. Заев ја покажа широчината и со поставување на луѓе од политички партии кои се расеани низ целиот политички компас. Така, Никола Димитров е, всушност, од редовите на ВМРО. Таков пример е и Венко Филипче. И Љубе Бошкоски (Обединети за Македонија, екс-ВМРО) е дел од кабинетот на Заев. Тој се покажа ултра отворен, да не кажам премногу дарежлив, и кон коалициските партнери, особено кон помалите, кои деновиве се „закитија“ со статусот „независни“ во парламентот.

Дали има опасности? Да. Зависно од тоа кои сѐ вредности, определби, стратешки правци и проекти ќе бидат ставени на преговарачката маса за формирање на една таква влада, за национално единство/спас, ќе се види и како ќе се движи земјата понатаму. Мултикултурализмот (Едно општество за сите), еднаквоста, инклузивноста, правдата, безусловно почитување на човековите права и слободи… Накратко, обединување околу европските и зелените вредности, без условувања и трговија со духот на мултикултурализмот и прогресот – тоа ќе ѝ даде германски карактер на оваа голема идеја.

На потег се оние што тврдат дека ги интересираат македонските државни интереси, а не политичкиот профит, парите и моќта.

 


Сите права се задржани. ЛИНК: Услови за користење, авторски права и заштита на приватноста. Текстот е личен став на Авторот.

Print Friendly, PDF & Email
Tags: влададемократијаЗоран Заевинтеграциинационално единство
Share33Tweet21Send

НАЈЧИТАНИ 5

  • Поранешен унгарски разузнавач по неодржувањето на средбата помеѓу Трамп и Путин: Она што сега изгледа како дипломатски успех, на долг рок ќе се претвори во сериозна трагедија

    131 shares
    Share 52 Tweet 33
  • „На Ѓупците треба да им се забрани да гласаат“ – советник од десничарската МААК со скандалозен расистички испад во Неготино

    127 shares
    Share 51 Tweet 32
  • Косовски пратеник удри граѓанин со бокс оти го нарече „лажго“ – инцидент во центарот на Приштина!

    102 shares
    Share 41 Tweet 26
  • „Путин повторно го изигра“: Откажувањето на самитот во Будимпешта ја завршува фантазијата на Трамп дека ќе донесе мир во Украина

    101 shares
    Share 40 Tweet 25
  • Разобличување на „буразерската“ финансиска коалиција: Алта банка и „посвоената“ Стопанска банка – Битола во обид да го избегнат европскиот финансиски радар

    99 shares
    Share 40 Tweet 25
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ