Откако Марјан Забрчанец, Националниот координатор за стратегиски комуникации и за спроведување на комуникациската стратегија на Владата, објави на Фејсбук дека е позитивен на Ковид-19, извесен Јордан Груев со експлицитен говор на омраза кон Забрчанец на својот Твитер профил:
„Забрчанец позитивен на коронавирус. Добра вест за СДС. Уште еден Северџанец со корона. Ќе се помолиме да цркне“, стои во твитот на Јордан Груев.
Од она што може да се забележи од неговиот Твитер профил, тој живее во Мелбурн, Австралија и бил иницијатор на политичката партија ВМРО-ДПМНЕ во 1989 година.
Говорот на омраза е она што Јордан Груев го повторува во своите твитови. Само во последните 12 часа Груев, покрај твитот со говор на омраза кон Забрчанец, се „нафрла“ и врз пратеничката од СДСМ, Славјанка Петровска:
Славијанка Петровска позитивна на коронавирус, качила температура додека била на седница во Собранието Добри вести се множат за СДС. Ќе се помолиме да цркне. Северџанска стока!“, пишува Јордан Груев.
Груев со експлицитен говор на омраза не одминал да коментира и за министерот за внатрешни работи Оливер Спасовски:
„Оливер Спасовски ПОЗИТИВЕН НА КОРОНАВИРУС. Многу добра вест. Ќе се помолиме да цркне што поскоро. Се надеваме да има еден Северџан помалку“, пишува Груев.
Груев пласира говор на омраза и за пратеникот на СДСМ од Охрид Лазе Таневски.
Во еден твит Груев повикува на убиство:
„Намален бројот на убиства во Македонија за речиси двојно помалку. Ова вест не е добра. Треба одма да се убијат што повеќе Северџани во владата“, повикува на убиство Груев.
Ако се погледне неговиот Твитер профил се забележува дека Јордан Груев е со тешко поведение и нескриен говор на омраза и кон починати. Тој во август 2020 година по смртта на Ратка Димитрова, пратеничка од првиот состав на македонскиот Парламент, од редовите на ВМРО-ДПМНЕ и мајката на министерот Никола Димитров, напиша:
После реакцијата на ЦИВИЛ на таквиот говор на омраза, Јордан Груев продолжи со говор на омраза и врз активистите од Цивил:
„До Цивил: И вие од Цивил да цркнете како и сите во фамилијата на Никола Димитров. Нека повели МВР“, пишува Груев.
Груев и во друг наврат упати закани кон ЦИВИЛ како реакција на објава. Тој тогаш напиша:
„До Д.М: За да ти биде појасно кој сум и каде сум види ги сликите. Ако има некои северџански копилиња во тоа МВР со грам мозок нека повелат.“ се закани Груев.
СМРТ ЗА ЗАЕВ, стои на транспарентот што го држи Јордан Груев, а од она што може да се забележи од фотографијата, се наоѓа на собир каде што преовладуваат знамиња со „Ѕвездата од Вергина“. На твитот има 34 допаѓања и 11 споделувања.
Овој квази патриот од далечната Австралија покрај говорот на омраза и заканите кон претставниците на СДСМ, невладини организации и активисти, ја напаѓа и македонската полиција и активностите на Полицискиот синдикат:
Она што зачудува во целата оваа ситуација со извесниот Јордан Груев, е што уште го гледаме активен неговиот твитер профил, а и молкот на Обвинителството кон ваквиот говор на омраза, кој Груев го пласира на социјалната мрежа Твитер во континуитет.
Јане Ѓорѓиоски / Фронтлајн
