ЦИВИЛ повторно го актуелизираше прашањето поврзано со горливата тема за реформи во образованието. Прашањето е: Кои учебници треба да се ревидираат или да се повлечат од употреба во основните и средните училишта во нашата земја и зошто?
Претходно, ЦИВИЛ постави повеќе прашања во анкетите со граѓан(к)ите и на социјалните мрежи. Така, тие дадоа многу интересни одговори на теми поврзани со пописот, етничка припадност во личните карти, вакцинацијата за Ковид-19. Претходно, граѓан(к)ите одговорија и на прашањето за толку знаат за најавените реформи во образованието.
Освен онлајн коминукацијата, тимот на ЦИВИЛ е во постојана директна комуникација со голем број граѓан(к)и. Така, на тема попис, поголем дел од анкетираните сметаат дека пописот е неопходен, а многу мал дел дека системот ќе потфрли во оваа статистичка операција. Како и вообичаено, мал е бројот на анкетираните кои сакаат да одговараат на прашањата пред камера, но се далеку послободни надвор од кадарот на камерите или во онлајн комуникацијата.
Пандемијата и вакцинирањето, исто така, наметнуваат дилеми. И додека повозрасните сметаат дека тоа е единствениот начин да се заштитат, дел од помладите сè уште размислуваат и чекаат да видат како ќе тече самиот процес на имунизација.
Етничката припадност во личните карти ја разгоре јавноста, не само меѓу граѓаните, туку и меѓу политичарите. На онлајн прашањето што го постави ЦИВИЛ за тоа дали има потреба од внесување на етничка припадност во документ за лична идентификација или не, во 363 одговори за 24 часа, отворија прашања што дополнително би ја искомплицирале измената на Законот за лични карти. „Нели ќе правевме граѓанско општество“, „Што со луѓето што се во мешани бракови“, „многу попаметно би било крвна група да стои“… се дел од одговорите.
Пеку онлајн и теренските анкети, преку панел дискусиите на актуелни теми во општеството и политиката, личните ставови на нашите колумнисти, анализите и извештаите, ЦИВИЛ го продолжува Граѓанскиот форум со цел да ги артикулира очекувањата и критиките и да го поттикне активното учество на граѓанките и граѓаните во градењето на владините политики. Борба против корупцијата, социјална правда, реформи во образованието, реформи во изборниот систем, европски и зелени вредности, лажни вести и говор на омразата, се само дел од темите на кои граѓанките и граѓаните постојано даваат свој придонес во работата на ЦИВИЛ, кој ги следи сите важни општествени и политички процеси и настани.
