Секој петок, ЦИВИЛ отвора простор за прашања и пораки до властите на локално и централно ниво. Споделете искуства, податоци, прашања и пораки до властите.
ГРАЃАНСКИ ФОРУМ (ПРАШАЊЕ НА ДЕНОТ): Што сакате да им порачате на властите?
Како нова иницијатива во рамки на ПРАШАЊЕ НА ДЕНОТ, ЦивилМедиа, миниатиот петок стартуваше со ГРАЃАНСКИОТ ФОРУМ: Што сакате да им порачате на властите?
Граѓан(к)ите во своите одговори се фокусираа на централната власт. Во ниту еден коментар немаше препорака, барање или критика на локално ниво. Владеење на правото, независно судство, закони во корист на граѓаните се дел од барањата. Многу од одговорите упатуваа дека што и да се порача на власта ќе нема ефект, дека повеќе ги интересираат партиските и лични интереси отколку да се грижат за доброто на граѓаните.
Во продолжение дел од нивните одговори:
Да донесе нов закон за приватизација на земјиште. Огромен број на граѓани не можат да дојдат до имотни листови иако имаат право на користење и владеење долги години.Имаат легализирани објекти а, земјата е на РСМ.
Прво да ја израчунаат нивната потрошувачка кошничка, таа нека им биде репер при одредување на нашата кошничка, минималната плата и пензија.
Што да им порачаш ќе нема ефект, си тераат своја криминално коруптивна агенда а со народот си поигруваат најбезобразно.
Закон за минимална плата од 1500 евра во приватен сектор, закон за намалување на цената на струја и цените на производите во маркетите.
Владеење на правото и рацете подалеку од судството.
Да ги апсат вистинските криминалци и злосторници, да имаат одговорност кон државата и народот, а не кон партијата и одма преговори со ЕУ.
Да работат, а не само пресови да даваат и да ја напаѓаат опозицијата. Значи да почнат да работат како влада.
Потекло на имот ,да видиме како со професорска плата и метење пикавци се купуваат хидроцентрали.
Б. Ј.
