Во албанското Собрание денеска се одржува пленарна седница на која опозицијата побара интерпелација за министерката за здравство поради скандалот со онкологија, пренесуваат албанските медиуми.
Амбасадорот на САД во Косово, Џефри Ховениер, дека Владата на САД очекува Радоичиќ да одговара пред правдата за нападот во Бањска, и посочи дека очигледно е веќе санкциониран од Министерството за финансии на САД поради неговите врски со транснационалниот организиран криминал, пренесуваат косовските медиуми.
Во продолжение се поместени содржините од редакцискиот избор на ЦИВИЛ Медиа, од албанските медиуми во регионот, за денешното издание на АЛ-Прес.
АЛБАНИЈА
Досја: Во собранието на пленарна седница ќе се води интерпелација со министерката за здравство за скандалот со Онкологија
Следната пленарна седница во Собранието се очекува да се одржи денеска. На седницата се очекува да не недостигаат дебати, бидејќи ќе има и интервју со министерката за здравство, Албана Кочи, за скандалот со Онкологија.
Интерпелацијата итно ја побараа пратениците од опозицијата, а министерот ќе одговара за скандалот каде лекари и медицински сестри ги тераа болните од рак да се лекуваат во приватни клиники. Интерпелација за ова прашање побара и пратеникот Арби Агалиу од групата Баша, јавува Досја.ал.
Клан – ЦИК: Белери не може да го оствари мандатот
Фреди Белери, избраниот градоначалник на Химара, не може да ја врши оваа должност бидејќи со правосилна одлука е осуден на 2 години затвор.
Ова е наодот на изборната администрација во односот што ја придружува предлог одлуката за која овој четврток ќе расправа Државниот изборен комесар за важноста на мандатот на Белери, пренесе Клан.
Газета Шќип: Уапсен поранешниот министер за здравство Илир Беќај
Поранешниот министер за здравство Илир Беќај утрово е уапсен од полицијата во Тирана.
Познато е дека полицајците го уапсиле Беќај околу 07:00 часот во неговиот дом по решение на Специјалниот Основен суд за корупција и организиран криминал. Тој е уапсен откако наводно ги злоупотребил средствата на Државната агенција за стратешко програмирање и координација на помош, САСПАК, за време кога раководел со оваа институција, пренесе Газета Шќип.
КОСОВО
Балкан Веб- Ховениер за Радоичиќ: Го сметаме за криминалец, мора да биде изведен пред лицето на правдата
Амбасадорот на САД во Косово, Џефри Ховениер, зборуваше за терористичкиот напад во Бањска во септември 2023 година и за главниот криминалец Милан Радоичиќ.
Ховениер рече дека Владата на САД очекува да одговараат оние што го извршиле овој криминален чин, бидејќи го спомена фактот што Радоичиќ преку своите адвокати ја прифатил одговорноста за нападот во Бањска.
„Од наша перспектива, тој очигледно е веќе санкциониран од Министерството за финансии на САД поради неговите врски со транснационалниот организиран криминал. Но, ова е дополнителен показател за неговата криминалност и очекуваме тој да сноси одговорност“, рече Ховение во Рубикон во Клан Косова, пренесе Балкан Веб.
Калѕо: Околу 1.900 барања за пренамена на нелегални српски возачки дозволи во Република Косово
До вчера, 03.07.2024 година, има 1.900 граѓани кои поднеле барање за замена на возачките дозволи издадени од нелегални српски институции во Косово со службени издадени од институциите на Републиката.
Заменикот управител на косовската полиција во Северна Митровица , Ветон Елшани, изјави дека според податоците има 474 барања во Лепосавиќ, 520 во Северна Митровица, 270 во Зубин Поток и 312 во Звечан. Во овие општини денеска се поднесени 93 барања, пренесе Калѕо.
КОЛУМНА
Коха: Циркусот во Брисел
„Слоганот „Да ја направиме ј Европа повторно голема“, беше добар предзнак за тоа што можеме да очекуваме од следните шест месеци од унгарското претседавање со Советот на Европската унија.
Орбан долго време во Унгарија го воспостави она што гордо го нарекува „нелиберална демократија“. Демократија каде што Орбан ја уништи секоја рамнотежа на моќта ставајќи го целиот судски систем под диктат, каде што владата ги уништи слободните медиуми и граѓанското општество и каде, следствено, шансите на опозицијата да ја преземе власта се минимални.“, пишува авторот Демуш Шаша во колумната „Циркусот во Брисел“, објавена во дневникот Коха.
Подготви: Д. Тахири
