Неколку значајни изданија на ЦИВИЛ се достапни во книжарницата „Или-Или“ во Скопје, по пријателски цени, како дел од заедничка акција на издавачот и книжарницата во пресрет на летните одмори.
Во понудата се книги што отвораат важни теми за слободата, демократијата, правдата, уставноста, општествената одговорност и отпорот против агресијата и авторитаризмот.
Меѓу достапните изданија се „Украина – година на хероизмот“ и „Рафал“ од Џабир Дерала, „Белешки за македонскиот конституционализам“ од проф. Љубомир Д. Фрчкоски, како и „Во чекалницата на слободата“ од Сашо Орданоски.
Оваа акција е можност читателите да дојдат до книги со силна општествена, политичка и интелектуална вредност по достапни цени, токму во периодот кога многумина избираат литература за летно читање, одмор и размислување.
Изданијата на ЦИВИЛ се дел од долгогодишната посветеност на организацијата кон слободата на изразување, човековите права, демократските вредности, критичката мисла и јавниот дијалог. Преку своите публикации, ЦИВИЛ отвора теми што се однесуваат на современите политички и општествени предизвици, како во Северна Македонија, така и пошироко.
Акцијата е заеднички придонес на издавачот и книжарницата за поголема достапност на овој вид литература до читателската публика.
Д. М.
Во ера на дезинформации, националистички популизам и авторитаризам, неопходна е вашата поддршка за ЦИВИЛ
Поддржете ги независните медиумски платформи на ЦИВИЛ во борбата против дезинформациите, национализмот, хибридните закани и авторитаризмот
Дајте го својот придонес СЕГА
