Постапувањето на полицијата за време на локалните избори 2017 е тема на истражувањето на Форум за истражување на безбедосни политики „Секуритас“ што денеска го презентираше пред граѓанските организации и припадниците на Министерството за внатрешни работи.
За потребите на истражувањето „Секуритас“ користел избори од ДИК, МВР, ЦИВИЛ -Центар за слобода и други граѓански организации и надлежни институции.
Користејќи го веб сајтот civil.org.mk и медиумската платформа civilmedia.mk на ЦИВИЛ, како и на другите релевантни извори, „Секуритас“ изготви анализа за полициското постапување од распишувањето до затворањето на избирачките места и објавнување на конечните резултати, вклучувајќи го прегласувањето на едно избирачко место по вториот круг во Чаир.
За да ја објасни работата, но и ефикасноста на полицијата во тек на изборниот циклус, Секуритас известува за објавените случаи на ЦИВИЛ за изборни нерегуларности што се базираат на извештаи од набљудувачите.
Како дел од нивната анализа за полициско постапување во изборна кампања го спомнуваат убиството на Алит Абази, кандидатот носител на независна советничка листа од Кичево, нападот на градоначалникот Елвис Бајрам во Шуто Оризари, како и нападот на пејачот Шкодран Толај додека снимал спот за градоначалникот Фатмир Дехари, во Кичево.
Исто така, во овој дел спомнат е инцидентот со Никола Груевски кога за време на митинг беше испрскан со спреј.
Како ресурс за изборно мониторирање, со акцент на полициското постапува, информациите, наодите и извештаите на ЦИВИЛ, „Секуритас“ се повика и во делот со изборниот молк и зборните денови во двата изборни круга.
„Според ЦИВИЛ, забележано е дека полицијата била достапана и доволно мобилна за навремено реагирање и интервирање на пријавите на граѓаните во текот на изборниот молк“, стои во извештајот. Понатаму, „Секуритас“ ги забележува и случаите на пречекорување на овластувањата на полицијата на озборен ден.
„… во еден случај набљудувачка од ЦИВИЛ била задржана и легитимирана од полицијата, додека била на должност во близина на едно избирачко место во Општина Шуто Оризари“.
Во делот од анализата за полициско постапување по затворање на избирачките места до објавување на конечните резултати, се нотира случајот, за кој известуваше ЦИВИЛ, врз информации од своите набљудувачи во Свети Николе, за физички напад врз млади членови на СДСМ од припадник на МВР.
Препораките се однесуваат координација за прочистување на Избирачкиот список, полициската улога во административните постапки за издавање документи, полицско присуство и партнерство, одговорност и транспарентност, обуки на полциските службеници, како и набљудување и контрола на постапувањето на полицијата за време на избори.
Секуритас со своето обемно користење на изворите на ЦИВИЛ, само ја потврдува релевантноста на самата организација во изборното мониторирање.
Биљана Јордановска
