Злогласниот лидерот на Чеченија, Рамзан Кадиров е најлојален од регионалните шефови на Владимир Путин, барем теоретски. Во време на неговото владеење со руската провинција, централната улица на главниот град, Грозни, се нарекува авенија Путин, светилките што ја обкружуваат се украсени со руската тробојка, а портретот на Путин гледа одозгора од десетици згради низ градот.
Профилот на Кадиров на Инстаграм, неговиот главен метод за комуникација со надворешниот свет, е полн со тврдења дека тој е „пешадинец“, лојален „до смрт“ на големиот руски лидер.
Сега, чеченскиот сатрап Кадиров, активно ја промовира улогата на неговите единици во војната во Украина за да ја подобри својата репутација како лојалист на Путин, објави британското Министерство за одбрана на социјалната мрежа Икс (Твитер), повикувајќи се на разузнавачки податоци, пренесе Укринформ.
Latest Defence Intelligence update on the situation in Ukraine – 15 August 2023
Find out more about Defence Intelligence’s use of language: https://t.co/h8U2gN0Mde
🇺🇦 #StandWithUkraine 🇺🇦 pic.twitter.com/gu6lFvToyA
— Ministry of Defence 🇬🇧 (@DefenceHQ) August 15, 2023
Британската разузнавачка служба потсетува дека на 10 август 2023 година, чеченскиот водач Рамзан Кадиров ги признал напорите на чеченскиот баталјон Восток Ахмат во силно оспоруваниот сектор Орхикив во областа Запорижја.
Коментарите на Кадиров ја истакнаа континуираната улога на една од главните чеченски единици во оваа клучна област. Восток официјално доаѓа под команда на 42-та моторизирана дивизија на Јужниот воен округ, која беше активна околу селото Роботин.
„Чеченските сили сочинуваат релативно мала, но од висок профил компонента на руските сили во Украина. Кадиров веројатно силно ги промовира улогите на неговите единици делумно за да ги зајакне своите ингеренции како лојалист на Путин“, веруваат британските разузнавачи.
Силите на Кадиров долго време имаат озлогласена репутација. Долги години, активистите за права и аналитичарите се загрижени дека поддршката од Чеченија има огромна цена, и во поглед на пари и во смисла на замижување пред кршењето на човековите права извршени од баталјоните и специјалните единици на Кадиров.
Драган Мишев
