Чеченскиот лидер, верен поддржувач и извршител на рускиот претседател Владимир Путин, Рамзан Кадиров, со своите простачки коментари и закани, со кои стана рол модел кај овдешните путинисти, повторно ги запали страстите кај руски пропагандисти од овие простори.
Најновата закана Кадиров и ја упати на Полска, преку видео објавено на Твитер, во кое чеченскиот лидер вели дека „прашањето за Украина е затворено“, а следно е Полска.
По Украина, ако ни се даде команда, за шест секунди ќе ви покажеме за што сме способни, вели Кадиров во видеото.
Poland, Ramzan Kadyrov has set his eyes on you
(with subtitles, including all ‘dons’ for purposes of accuracy) pic.twitter.com/nSOq9BNQjn
— Francis Scarr (@francis_scarr) May 25, 2022
Тој им порачува на Поqаците да си го вратат оружјето. Полска е една од земјите во Европа која и достави на Украина голем број оружје за да се одбрани од руската инвазија.
За инцидентот што се случи на почетокот на овој месец кога рускиот амбасадор во Полска, Сергеј Андреев беше нападнат со црвена боја на Денот на победата, Кадиров ја упатува Полска да моли за прошка.
Молете, официјална прошка за она што му го направивте на нашиот амбасадор, вели Кадиров.
Заканите се начин на комуникација на Кадиров, дури стануваат и негов заштитен знак. Но, барем досега, тие се покажаа како безначајни и неостварливи.
За потсетување, Чеченскиот лидер Рамзан Кадиров, на 21 април, се закани дека до ручек ќе имаат целосна контрола над Азовстал.:
Пред ручек или после ручек, Азовстал ќе биде целосно под контрола на силите на Руската Федерација, рекол тој во аудио порака објавена доцна вечерта на 21 април.
Оваа закана не се оствари, бидејќи Кадиров на успеа да влезе во челичаната Азовстал, украинските борци го бранеа Азовстал, до нивното предавање 38 дена подоцна по заканата и прогласената „победа“ на Кадиров.
Кадиров, и два дена предходно, на 19 април, напразно се закани дека украинските борци кои се уште се борат во Мариупол ќе бидат „сотрени“ до крајот на денот.
На радост на сите оние кои чекаат мир и стабилност во Украина, денеска,, со помош на Семоќниот, ќе ги сотреме Бандеровците (украински националисти) во Мариупол и целосно ќе го окупираме Азовстал, напиша Кадиров на Телеграм. Оваа закана секако остана неостварена.
Чеченскиот моќник Рамзан Кадиров, на 19 Април му се закани на Володимир Зеленски и рече дека мисли оти украинскиот претседател има сериозно ментално растројство, и во аудио порака објавена на неговиот профил на Телеграм вели „Ќе завршиме со вас еден од овие денови“.
Поздрав до сите. Овде прочитав дека Зеленски најавил подготвеност да се бори 10 години. Ајде, немаме толку време. Ќе завршиме со вас еден од овие денови. Имате шизофренија, мислам, вели Кадиров во аудио снимката.
Но, „Еден од овие денови“ од заканите на Кадиров никако не доаѓа.
Чеченскиот лидер, Рамзан Кадиров, во видео-пораката објавена рано изутрината на 11 април, преку платформата „Телеграм“ упати закана дека „целосно ќе ги ослободи (источните региони Луганск и Доњецк“)…а потоа ќе ги преземе Киев и сите други градови.
Ве уверувам дека нема да има ниту еден чекор назад“, кажа Кадиров.
Заканата на Кадиров за заземање на Киев заврши неславно, руските агресори целосно се повлекоа од околината на Киев, а он што го оставија зад себе беше ужас и масовни злосторства врз цивилното население.
Досега, како „воени успеси“ на Кадиров и неговите борци, може да се смета малтретирањето на цивилно население во окупираните области, каде мобилните патроли од кадировистите приведуваат и проверуваат луѓе кои се движат по патиштата од Мариупол кон Бердјанск и Запорожје, како и „акцијата“ на борците на чеченскиот лидер Рамзан Кадиров, испратени да се борат во Украина, застрелаа неколку руски војници во областа Запорожје, кои се побунија поради неплаќањето на ветените пари и одбија да се борат.
Драган Мишев
