• Latest
Добро утро со Орданоски

Колку просперитет наспроти колку идентитет, прашањето е сега!

January 12, 2018

Вучиќ пред утрешните протести на студентите: Не го прифаќаме ултиматумот

June 27, 2025
Фото: Militarnyi

Кијив тврди: Русија употребиле хемиско оружје 888 пати само во мај оваа година

June 27, 2025
Фото: МИА

САД и Кина потврдија дека постигнале договор за крај на трговската војна

June 27, 2025

Руски агенти осомничени за подметнување пожари на воени камиони во Германија

June 27, 2025
Славјанка Петровска 

Фото: Цивил / Архива

Петровска за Цивил: Одбраната не е само оружје, туку стратегија за развој и безбедност – 5% од БДП е шанса, не товар

June 27, 2025

Гоцевски за Цивил: НАТО и ЕУ во лавиринт – Македонија меѓу интереси и сојузи

June 27, 2025

Едвард Џозеф за ЦИВИЛ: НАТО самитот во Хаг беше успешен – добивме силна изјава за Член 5 и импресивен договорот за зголемени трошоци за одбрана

June 27, 2025

(ИЗБОР) Албански медиуми: Албанската влада ќе биде акционер во одморалиштето на Кушнер во Сазан; Уставниот суд на Косово им даде рок од 30 дена на пратениците да го конституираат собранието

June 27, 2025
Фото: Скриншот од видео на TIMES NOW

Борејќи се за преживување, Хамас се соочува со бунтовни кланови и сомнежи во врска со Иран

June 27, 2025

Дијаспората веќе не е „нерезидент“ – Одлука на Уставен што менува правила

June 27, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Колку просперитет наспроти колку идентитет, прашањето е сега!

January 12, 2018 07:56
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

Пишува: Сашо Орданоски

[dropcap]И[/dropcap]мпресивен е изборот на хистерични теми на кои човек би можел да се осврне деновиве. Можеме, ако сакате, по илјадити пат да се масираме за спорот со името: мислам дека сѐ упатува на тоа дека Македонците, губејќи го името, неповратно ќе го загубат и својот столетен идентитет, еден од најстарите во регионов…

Ако имате желба да додадеме и малку сол на таа отворена, неизлечива, мортална рана, мораме да се осврнеме на тукушто усвоениот Закон за јазици, со кој албанскиот јазик, во догледна иднина, ќе го прегази македонскиот и ќе стави уште една точка – по губењето на името – на опстанокот на македонскиот идентитет и на македонската нација…

МПЦ-БПЦ и договорот со Бугарија? Тоа е крај на децениската борба за посебноста на македонската нација на Балканот…

Дополнително, не може да се избегне темата за тоа дека искрени патриоти и возвишени родољуби, токму заради напорот да го спречат ваквиот развој на настаните, денеска невини гнијат во македонските зандани, обвинети во политички процеси за дела кои немаат врска со тероризам и насилства, туку се резултат на желбата на владејачката предавничка хунта да ги замолчи, да ги отстрани од јавната сцена, додека се спроведуваат претходно опишаните подли сценарија за дефинитивното губење на името, на јазикот, на верата на Македонците…

И така натаму.

Општо земено, тезата е дека Македонците неповратно го губат својот национален идентитет, правејќи компромиси за да влезат во времени политички сојузи (ЕУ, НАТО) кои, како и сите политички сојузи во историјата, еден ден ќе ги снема. Но, кога тие ќе исчезнат, нема да може да се поврати сега компромисно истргуваниот национален идентитет за сметка на нејасните, па и неважни евро-атлантски интегративни придобивки, ако е идентитетот цената што мора да се плати.

Тоа е таа линија на размислување, цврста и консеквентна во својот светоглед.

Мене, пак, напротив, ми се чини дека историјата е преполна, речиси како по правило, со примери на „нации“ – еден историски релативно нов политички концепт – кои не ги снемувало затоа што некој им го украл или им го негирал идентитетот; туку затоа што останувале на маргините на историските економски, социјални, безбедносни развои, исклучени од модерните технолошки трендови, во кои социјализацијата и општествената кохезија многу повеќе зависеле од социо-економската просперитетност на заедниците, отколку од тоа на кој јазик зборувале, на кој начин се молеле или како биле ословувани од други. Всушност, би можело да се тврди дека националниот идентитет, односно културата, во една поширока агрегатна состојба, самата „венела“ до исушување, токму заради пропуштените историски можности да се фати приклучок на страната на прогресот и општествената добробит.

Да бидам приземно илустративен, добриот здравствен и образовен систем, на пример, ми се чинат како многу поважни за севкупната перспектива на нашите деца, од тоа кое е името на државата што ќе им стои во нивниот пасош. Фактички, половина македонско население токму заради тоа е во трка по туѓи пасоши, чии држави географски ги делат и цели океани од нивната (веќе, некогашна) татковина Македонија! А, таму заминати, јазикот што тие, сега, уште го говорат, секако ќе биде заборавен од нивната следна генерација.

Ова се дилемите – количеството на просперитет, наспроти количеството на идентитет – коишто ќе ги расчистуваме во наредните месеци, ако дојдеме во ситуација, по пат на одредени политички компромиси, да ни се отворат вратите за осојузување со развиените евро-атлантски заедници. Не велам дека сите кои имаат различно мислење од моето се простаци или глупаци; напротив, сигурен сум дека и нивната грижа за себе и за своите наредни поколенија е исто толку искрена и совесна како и мојата.

Но, треба да се биде свесен дека некои историски ситуации за донесување важни одлуки се како коњи во полн трк, кои или ќе се обидеш да ги зајаваш кога поминуваат покрај тебе, или ќе го чекаш наредниот круг кој може да биде по дваесет или педесет години, а можеби и никогаш повторно.

Ете, мојата генерација го чека овој круг веќе 27 години… Некако, не се чувствувам помлад, а секако не попросперитетен, заради тие изминати лета.

 


Преземањето на оваа содржина е дозволено само по 12 часот, на денот на објавувањето. Потоа, важат вообичаените правила според лиценцата Creative Commons 1.0.

Print Friendly, PDF & Email
Tags: ЕУидентитетиметојазикНАТОпатриотиззмпросперитет
Share56Tweet21Send

НАЈЧИТАНИ 5

  • Фото: Д. Мишев

    Помина во Брисел извештајот на Вајц за Северна Македонија

    114 shares
    Share 46 Tweet 29
  • ДОМ ја напушта коалицијата со СДСМ

    102 shares
    Share 41 Tweet 26
  • Како Скопје Прајд стана квази левичарска, про-палестинска подружница

    97 shares
    Share 39 Tweet 24
  • (ВИДЕО) Нов гаф на Сиљановска Давкова – го помеша Марко Рубио со Џеј Ди Венс, кого го нарече Ди Џеј

    92 shares
    Share 37 Tweet 23
  • Дијаспората веќе не е „нерезидент“ – Одлука на Уставен што менува правила

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ