„Историскиот договор што беше постигнат со Грција јас го гледам како достигнување само по себе, нешто што е значајно само по себе, а не како влог во евроинтеграциите. Мислам дека не би било принципиелно такво историско прашање, прашањето на идентификација да се инструментализира во каква и да е краткорочна историска смисла. Поради тоа јас ова решение го поздравив значајно и позитивно само по себе, а не во функција на евроинтеграциите“, изјави Катерина Колозова, ИССХС, на конференцијата Макеоднски перспективи: Како до Европа?, во организација на ЦИВИЛ и МЦМС.
„Зачудувачки, за една година ги затворивме двете болни прашања на начин што е соодветен и поволен за Македонија. Според мене договорот со Бугарија е сосема коректен. Да, тој договор нотира некакви разлики околу историски прашања, но нотира и цивилизиран начин на разговарање околу тие разлики. Вториот договор се реши за нас, во оној дел каде што сме засегнати, поволно. Ние тврдевме дека преговорите со Грција не загрижуваат од идентитетски аспект… Нормално имам здрав разум и знам дека име на држава не може да ми смени идентитет, но знам дека имаше прашања што директно го засегаа идентитетот со децении низ тие преговори“, потенцираше Колозова.
Колозова зборуваше за важноста на овие два договори независно од влезот од ЕУ и НАТО, сметајќи дека Договорот со Грција треба да се доживее како успех сам по себе, а не како обврска и услов во процесите на евроинтеграциите.
„Сега кога се тврди дека е направено постигнување со тоа што е задржана придавката во описот на етносот и е задржано именувањето на јазикот такво каково што е со право на сите можни преводи, мене некој ме убедува дека тоа не е достигнување. Според мене е огромно достигнување затоа што на памет ги знам сите предлози, барем тие што се водат како официјални од Нимиц и не знам ни еден во кој што не бил вклучен предлог назив на името на јазикот или националноста кај што за придавката н се разговарало. Ако придавката се загрози тогаш се загрозува именувањето во преамбулата…“, рече Колозова.
Конференцијата е дел од проектот „Слободни медиуми за слободно општество“ што ЦИВИЛ го спроведува со поддршка на Федералното министерство за надворешни работи на Сојузна Република Германија.
Биљана Јордановска
Камера: Атанас Петровски
Монтажа: Ариан Маехмети
