Мачењето на Ирина Данилович од страна на руската окупациска администрација на Крим е воено злосторство и треба да биде истражено од Меѓународниот кривичен суд. Ова го објави аналитичарот на Крим СОС, Јевхен Јарошенко.
„Меѓународното право забранува тортура во секое време, на кое било место и под какви било околности – војна, окупација, вонредна состојба итн. Тортурата во окупираниот Крим може да биде под јурисдикција на Меѓународниот кривичен суд како воено злосторство или да биде истражена од други држави под механизам за универзална јурисдикција “, изјави Јарошенко.
Како што беше соопштено претходно, граѓанската новинарка Ирина Данилович беше задржана 8 дена во зградата на ФСБ. Таму и направиле полиграфско тестирање и и се заканувале дека ќе ја однесат во шума доколку сокрие нешто. Сето ова време таа се хранеше еднаш дневно.
Подоцна од неа било побарано да потпише некои празни формулари во замена за нејзиното отпуштање. Откако таа го сторила тоа, и било кажано дека во нејзината чанта наводно биле пронајдени двесте грама експлозив и однесен на суд за да се определи мерка за задржување.
„Таквиот третман на Ирина Данилович може да се смета за тортура. Мачењето може да вклучува намерно нанесување силна болка, физичко или морално страдање од страна на службени лица со цел да се добијат информации или признанија од поединец“, рече Јевхен Јарошенко.
Предходно, на 12 мај руските окупатори покренаа сомневања против медицинската сестра и граѓанска новинарка од Крим, Ирина Данилович. Таа е обвинета за наводно нелегално производство, транспорт или складирање на експлозиви – Дел 1 од чл. 222.1 од Кривичниот законик затвор и парична казна до 100 илјади рубли (45 илјади UAH).
Подготви: Д.Мишев
