Куба откри синџир на трговија со луѓе чија цел е да регрутира Кубанци да се борат како платеници за Русија во нејзината војна во Украина, додека Москва се обидува да ја зголеми големината на своите сили, соопшти кубанското МНР.
Во соопштението, кубанското Министерство за надворешни работи објави дека властите работат на „неутрализирање и демонтирање“ на мрежата, за која рече дека работи во рамките на карипската островска држава и во Русија, пренесува Гардијан.
„Министерството за внатрешни работиja ја откри и работи на неутрализација и демонтирање на мрежата за трговија со луѓе која оперира од Русија за да ги вклучи кубанските граѓани кои живеат таму, па дури и некои од Куба, во воените сили кои учествуваат во воените операции во Украина“.
Според Укринформ, во извештајот уште се наведува дека се неутрализирани обидиѕе од ваков карактер и поведени се кривични постапки против инволвираните во овие активности“.
Според министерството, непријателите на Куба промовираат искривени информации кои се обидуваат да го нарушат имиџот на земјата и да ја претстават како соучесник во овие дејствија што Куба цврсто ги отфрла.
„Куба има цврста и јасна историска позиција против употребата на платеници… Куба не е дел од војната во Украина“.
Министерството за надворешни работи не коментира дали некој Кубанец се приклучил на војната во Украина како дел од синџирот на трговија со луѓе или дали синџирот има некакви врски со руската влада.
Минатиот мај, рускиот регионален весник Ryazan Gazette објави дека „неколку кубански граѓани“ се пријавиле со руските сили кои се борат во Украина, но не беше јасно дали соопштението на кубанското Министерство за надворешни работи е поврзано со извештаите во Ryazan Gazette.
„Ќе дејствуваме одлучно против оние кои се занимаваат со трговија со луѓе со цел да регрутираат кубански граѓани да носат оружје во која било земја“, се вели во соопштението.
Би-Би-Си ја пренесува објавата на кубанскиот министер за надворешни работи Бруно Родригез на X(порано познат како Твитер), кој додава дека Куба ја користи „силата на законот“ за да се спротивстави на обидите за регрутирање свои граѓани.
Изјавата дава ретка дисонантна нота во неодамнешните кубанско-руски односи, поради кои двете земји воспоставија построги трговски врски.
Пред нешто повеќе од два месеци, министрите за одбрана на Куба и Русија одржаа разговори во Москва, а рускиот министер за надворешни работи отпатува на островот управуван од комунистите во април, како дел од турнејата на руските сојузници во Латинска Америка.
Инвазијата на Украина го воскресна поранешниот сојуз од студената војна меѓу сè поизолираната Русија и сиромашната Куба. Јавните изјави на Хавана во понеделникот се редок момент на конфронтација меѓу двете земји.
Се уште нема одговор од Москва. Русија користеше платеници како дел од своите воени напори, особено групата Вагнер.
Куба управувана од комунизмот, традиционално близок сојузник на Русија, претходно го критикуваше Западот за предизвикување војна во Украина, додека нејзиниот претседател Мигел Дијаз-Канел рече дека Русија ужива „безусловна поддршка на Куба“ во нејзиниот „судир со западот“.
Русија од своја страна предложи да се достави оружје во Куба доколку разговорите со Западот за европската безбедност и Украина не успеат да одат по својот пат.
Кубанските обвинувања доаѓаат во време на руските обиди да ја зголеми големината на своите вооружени сили додека се обидува да ги продолжи борбите во Украина.
Андреј Гурулев, пратеник и пензиониран воен офицер, рече дека Министерството за одбрана има за цел да регрутира уште 140.000 руски војници до крајот на годината, пренесува Гардијан.
За да ја исполни оваа цел, Русија ги мами мигрантите од централна Азија да се приклучат на конфликтот во Украина со ветувања за брзо државјанство и плаќање.
Во меѓувреме, Кремљ во вторникот одби да ги коментира извештаите дека севернокорејскиот лидер Ким Џонг-ун планира да отпатува во Русија овој месец за да се сретне со Владимир Путин и да разговара за снабдување на Москва со оружје за Украина.
„Не, не можеме [да го потврдиме ова]“, рече портпаролот на Кремљ, Дмитриј Песков, кога беше прашан дали Ким наскоро ќе се сретне со Путин. „Немаме што да кажеме за ова“.
Во понеделникот, Њујорк тајмс објави дека Ким планира да отпатува во Владивосток, пристанишен град недалеку од Северна Кореја, каде што двајцата лидери ќе разговараат за испраќањето артилериски гранати и противтенковски проектили на Русија во замена за напредната технологија на Москва за севрнокорејските сателити и подморници на нуклеарен погон.
Иако Песков не ја коментираше пријавената средба со Ким, Кремљ соопшти дека Путин планира да отпатува за Владивосток следната недела за да учествува на годишниот Источен економски форум.
Драган Мишев