Судот му одреди мерка домашен притвор на претседателот на пратијата ГРОМ и поранешен градоначалник на општина Карпош, Стевчо Јакимовски.
Јакимовски беше приведен заедно со двајца вработени во општината поради сомнение за злоупотреба на службената положба и овластување и за кривично дело бесправно градење.
Опозицијата ја обвини власта за политички прогон, а приведувањето на Јакимовски го оквалификува како обид за заплашување на неистомислениците во пресрет на претседателските избори, заедно со кои ќе се одржат и вонредни локални избори за градоначалник во неколку општини.