Украинскиот ден во рамки на светски познатата меѓународна културно-уметничка манифестација „Охридско лето“ имаше многу богата програма. Македонските медиуми активно известуваа за украинскиот настан, објави на Фејсбук Украинската амбасада во Северна Македонија.
Водечките украински актери и културни дејци го привлекоа вниманието на македонското општество на бруталната војна на русија против Украина, вклучително со раскажување за настаните во Украина на прес-конференција.
Кијивскиот регионален музичко-драмски театар „П.К. Саксагански“, демонстрирајќи го нескротливиот дух и силата на украинската уметност, за прв пат од почетокот на војната на русија против Украина, настапи на меѓународната сцена и го привлече вниманието на моменталната реалност во Украина.
Од амбасадата упатија благодарност до покровителот на „Охридско лето“, Претседателот на Северна Македонија Стево Пендаровски, на раководството на фестивалот „Охридско лето“, на Здружение На Украинци Во Р.С. Македонија “Лесја Украинка”, особено на Претседателот на Здружението Alexandr Urbanovitch, на Заменик-претседателката Тамила Велковска и раководителот на украинската делегација Виталиј Томнјук, за поддршката и реализирањето на овој неверојатно важен настан.
Д.Мишев
