• Latest
Фото: ЦИВИЛ

Македонскиот воз тргна кон ЕУ, од Вас зависи со која брзина ќе стигне во Брисел, порача Ван дер Белен

March 30, 2023
Фото: Wikimedia commons

САД им ги укинаа визите на палестинските функционери непосредно пред Генералното собрание на ОН

August 29, 2025
Фото: Скриншот од видео на ВВС

УСАИД официјално се затвора: Рубио објави дека Трамп го одобрил процесот

August 29, 2025

Макрон: Нема да поднесам оставка пред гласањето за доверба на 8 септември

August 29, 2025

Унгарија е единствената членка на ЕУ што не ја поддржа изјавата со која се осудува рускиот напад врз Кијив

August 29, 2025

ДИК: 13 постапки за независни кандидати за градоначалници, во пет општини се собираат потписи за советници

August 29, 2025

24 ЧАСА: Обвинет таткото-насилник кој тепаше малолетни играчи; како ВМРО-ДПМНЕ ја разбира статистиката – експлозивна изјава на Бранимир Јовановиќ; алармантен рекорд на насилството врз новинарите во Србија; оружје за 825 милиони долари од САД за Украина

August 29, 2025
Фотографија: МИА архива

На болничко лекување остануваат уште тројца од повредените во пожарот во дискотеката „Пулс“

August 29, 2025

Поднесено обвинение за таткото кој повреди малолетни играчи од спортивниот тим на натпреварот во Штип

August 29, 2025
Фото: Скриншот од веб

Мониторинг на ЦИВИЛ: РИА Новости – координатор на руските дезинформации во земјава и регионот

August 29, 2025
Илустрација: ВИ

РЕАКЦИИ: Луксуз за функционерите, немаштија за граѓаните

August 29, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ВЕСТИ

Македонскиот воз тргна кон ЕУ, од Вас зависи со која брзина ќе стигне во Брисел, порача Ван дер Белен

March 30, 2023 08:19
in ВЕСТИ, ПОЛИТИКА
Фото: ЦИВИЛ

Фото: ЦИВИЛ

Share on FacebookShare on Twitter

Австрија изразува постојана и силна поддршката за евроинтеграцискиот процес на Северна Македонија, но од самата земја зависи кога ќе ги почне следните чекори во преговорите со ЕУ и колку брзо ќе се приклучи кон Унијата, порача австрискиот претседател Александер Ван дер Белен, кој вчера престојуваше во официјална посета на државава, на средби со државниот врв и во обраќање во Собранието. Од властите апел до опозицијата да се вклучи во процесот на уставни измени и да не ја загоризува македонската европска перспектива, порачувајќи дека државата нема да пропадне ако во Преамбулата на Уставот се додадат три или четири народи кои живеат во земјава.

Ван дер Белен истакна дека патот на евроинтеграцијата на земјава траеше долго, но тој сега е трасиран и од нас зависи кога Северна Македонија ќе ги продолжи чекорите на европскиот пат и колку брзо ќе го изоди.

– Од пред речиси 20 години возот кон дестинацијата Брисел стоеше на железничката станица во Скопје, меѓутоа од јули 2022 година сигналите конечно покажуваат зелено светло и поради тоа ви честитам од срце. Северна Македонија го заслужува ова патување. Возот веќе тргна кон Брисел со скрининг процесот и е на добар пат, но движењето на возот кон Брисел не зависи само од сигналот, туку од постојаното додавање енергија, а за време на патот кон Брисел и Владата и Парламентот на Северна Македонија треба да ја даваат таа енергија, рече австрискиот претседател.

Ван дер Белен потенцира дека е свесен оти патот на земјава кон ЕУ е тежок и ја разбира фрустрацијата поради времетраењето на тој процес, но замоли да не ја „изгубиме целта од вид“.

Фото: ЦИВИЛ

– Да работиме заедно за скорешен примен на Северна Македонија во ЕУ. Јас можам да гарантирам дека Австија и во иднина ќе ви стои на располагање како сигурен партнер, порача австрискиот претседател.

Обраќајќи им се на пратениците во Собранието, тој ги замоли и охрабри да останат мотивирани и концентрирани, потенцирајќи дека за да може земјава да го продолжи процесот на зачленување во ЕУ, потребно е да се направи следниот чекор кој не е лесен, а тоа е промената на Уставот, согласно Преговарачката рамка усогласена во јули минатата година со сите членки на Унијата.

– Сакам јасно да кажам дека не верувам оти е реалистично дека договорот од јули 2022 година ќе се преговара уште еднаш, рече Ван дер Белен.

Претседателот Стево Пендаровски на зедничката прес-конференција по средбата со Ван дер Белен, истакна дека оние кои мислат дека европската Преговарачка рамка не е добра и дека кога тие би биле во позиција да преговараат би направиле подобра, очигледно не знаат како функционираат механизмите во рамките на ЕУ.

– Ако некој може да испреговара подобра Преговарачка рамка, јас ќе бидам првиот кој ќе му честита на тоа. Меѓутоа ги уверувам да не се обидуваат тоа да го прават денес, утре, задутре, догодина, затоа што нема да има шанса одново да се преговара една работа која е договорена со 27 земји членки на ЕУ, изјави Пендаровски.

Тој порача дека единствен пат за обебзедување на потребното двотретинско мнозинство во Собранието за уставни измени е да се разговара со луѓето од опозицијата.

– Не би сакал да видам каков било друг пристап во постигнувањето на тие две третини и ако влеземе со искрена намера, да се разбереме, ве уверувам дека аргументите се на страната на оние, вклучувајќи ме и мене, кои веруваат дека самата содржина на тој уставен амандман, внесување на Бугарите во нашиот Устав, е бенингна промена и на ниеден начин не ги загрозува македонската сувереност, независност, ниту европскиот пат, рече Пендаровски, додавајќи дека ако не успееме да ја извшиме промената на Уставот повторно ќе бидеме блокирани на европскиот пат, но овојпат по сопствена одлука.

И премиерот Димитар Ковачевски изрази надеж дека нашата држава има демократски и европски капацитет и визија да ги спроведе уставните измени, порачувајќи дека процесот на нивно усвојување нема да се одложи.

– Оваа одлука за продолжување на нашиот европски пат нема да биде заложник на личната кариера на само еден човек во државата, којшто е подготвен заради својата лична фотелја да ризикува прекинување на еден процес којшто значи обезбедување на полноправно членство во ЕУ, кое со себе носи зголемени инвестиции и плати, повисок животен стандард за граѓаните, врвни институции и врвно европско законодавство во нашата држава, бидејќи нашите граѓани сакаат и заслужуваат да живеат во ЕУ, но тука во својата држава, а не во туѓина, рече Ковачевски.

Министерот за правда Кренар Лога по средбата со неговата австриска колешка Алма Задиќ, порача дека приоритет над приоритетите во однос на уставните измени е промена на Преамбулата на Уставот, со што во неа би се вметнале сите помали заедници кои ќе пројават интерес за тоа.

Тој нагласи дека ја повикува ВМРО-ДПМНЕ и пратениците на оваа партија да се изјаснат за сите прашања што ги имаат поврзани со Уставот, посочувајќи дека вратата на Министерството за правда останува отворена за нив за да се вклучат со свои претставници во работната група за уставните измени.

Иако засега нема времеска рамка кога ќе почне со работа група за уставните измени, во кој би треба да бидат вклучени експерти од областа уставното право и претставници на политичките партии и на Кабинетот на шефот на државата, премиерот Ковачевски најави дека со нејзиното формирање и со стартот на нејзината работа, практично ќе започне процесот на промена на Уставот, согласно процедурите пропишани со закон, за кој процес ќе биде потребен широк политички и општествен консензус.

Вицепремиерот за европски прашања Бојан Маричиќ во вторникот најави дека процесот на уставни измени ќе започне пред летото, порачувајќи дека треба што поскоро да се отвори дебата за уставните измени, да се даде простор да се разменат аргументити и мислењата, за да се создаде атмосфера во Собранието за здрава разумска дебата дали сакаме и колку бргу сакаме да бидеме во ЕУ.

– Очекувам во наредните денови да се објави работната група и вендаш да започнеме со формулација на уставните амандмани. Во Собранието, сега како што е, има една атмосфера во која што опозицијата сака да ја избегне темата за уставни измени. Јас мислам дека тоа не му оди во прилог никому, изјави Маричиќ, додавајќи дека смета оти има доволно време да ги завршиме уставните измени до ноември.

Претседателот Пендаровски вчера оцени дека опозицијата ќе згреши доколку реши да не учествува во работната група за уставните измени и во Комисијата за уставни прашања во Парламентот.

– Ги повикувам да ги кажат своите аргументи. И јас мислам дека таа дебата би требало да биде пренесувана директно, во живо за македонската јавност, затоа што ако ги соочите аргументите на двете страни ќе видите дека зборуваме за работи кои веќе сме ги направиле пред 22  години, рече Пендаровски, нагласувајќи дека државата сигурно нема да пропадне доколку во Преамбулата на Уставот додадеме три или четири народи кои живеат во земјава.

Print Friendly, PDF & Email
Tags: АвстријаАлександер Ван дер БеленЕУКовачевскиМаричиќПендаровскиСеверна Македонија
Share33Tweet21Send

НАЈЧИТАНИ 5

  • СРПСКИ (БУРАЗЕРСКИ) СВЕТ: Ќе добие ли ВМРО-ДПМНЕ своја банка?

    123 shares
    Share 49 Tweet 31
  • Разрешени и избрани нови членови на општински изборни комисии за Локалните избори 2025

    98 shares
    Share 39 Tweet 25
  • 24 ЧАСА: Обвинет таткото-насилник кој тепаше малолетни играчи; како ВМРО-ДПМНЕ ја разбира статистиката – експлозивна изјава на Бранимир Јовановиќ; алармантен рекорд на насилството врз новинарите во Србија; оружје за 825 милиони долари од САД за Украина

    93 shares
    Share 37 Tweet 23
  • МВР го уапси родителот кој го предизвика инцидентот во Штип, ФФМ, Шкупи и Брегалница го осудија – спортот не треба да биде арена за физички конфронтации

    92 shares
    Share 37 Tweet 23
  • Јагода и вестите

    90 shares
    Share 36 Tweet 23
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ