Третата меморијална ликовна изложба „Стоп на теророт, да не се повтори!“ вечер ќе биде отворена во Музејот на Град Скопје. Ќе бидат презентирани 46 дела од 44 автори, претставници на различни генерации, стилски определби и ликовни тенденции во современата ликовна уметност. Делата, главно слики и скулптури, се изработени во различни техники и се одраз на оригиналните креативни импулси, естетика и автентична ликовна индивидуалност на авторите.
Организатори на изложбата се Родокрајното здружение „Загоричани“ и академскиот скулптор Петре Наневски. Изложбата е организирана по повод одбележувањето на 120 години од трагедијата во селото Загоричани (1905 – 2025).
На изложбата ќе бидат претставени дела од следните автори: Ангел Нацевски, Ангел Димовски – Чауш, Александар Ефтимовски, Андријана Андреева, Боро Арсовски, Валентина Илиевска, Васил Чулев, Владимир Чулев, Глигор Васков, Горјан Ѓорѓиев, Димитар Филиповски, Доне Милјановски, Димитар Солаковски, Ирена Гапковска, Игор Мишев, Јана Манева Чупоска, Катерина Таневска, Коле Манев, Лиле Јовановска Арсова, Љубица М. Солак, Микица Трујкановиќ, Мануел Тасевски, Маја Рауник Кирков, Марија Николовска Наневска, Никола Наневски, Никола Тренов, Нела Јанковска, Павле Кузманоски, Павел Јовановски, Петре Наневски, Петар Попчев, Петар Фидановски, Петра Јовановска, Ристо Андреев, Ристо Мијаковски, Соња Спировска Остоиќ, Стефан Димовски, Стефан Анчевски, Стефан Јакимовски – Стеф, Слободан Милошески, Смиле Цветановски, Томе Мишев, Томе Даневски и Трајче Чатмов.
Изложбата ќе биде отворена до 3 април 2025 година.
Извор: МИА
Фото: Родокрајно здружение „Загоричани“
