Молдавската полиција во вчерашната рација конфискува повеќе од 20 милиони леи (околу еден милион евра) од молдавските власти.
Акцијата беше спроведена против нелегалното финансирање на политичките партии пред парламентарните избори што треба да се одржат на 28 септември. Покрај парите запленети се и електронски уреди за складирање податоци и други докази.
Истрагата е насочена кон групи лица осомничени за купување на гласови. Помеѓу осомничените се високи личности во политичките партии, како и членови и поддржувачи кои го олесниле насочувањето на средствата кон политичките партии.
Началникот на молдавската полиција Виорел Чернуцјану изјави дека се истражуваат обидите за купување на гласови на претстојните избори. Според него се нуделе 1.000 леи (50 евра) за глас, додека сумата е поголема за гласачите од дијаспората.
Молдавските аналитичари предупредуваат дека Русија се обидува да влијае врз политичките процеси во поранешната советска република. Претседателката на Молдавија, Маја Санду на почетокот од предизборната кампања изјави дека Русија дала 100 милиони долари за да влијае врз изборите со цел да се формира проруско мнозинство во Парламентот. Според неа Русија минатата година дала 200 милиони долари за претседателските избори.
Извор: МИА
