Во врска со видеото на социјалните мрежи на кое се гледа непрописно паркирано возило со скопски регистарски ознаки на територија на Дебар Маало во Скопје, Министерството за внатрешни работи ја информира јавноста дека конкретниот настан се случил на 22.03.2025. Имено, возилото е подигнато од страна на ПОЦ, а од страна на СВР Скопје преземени се мерки по член 63 став 6 од Закон за безбедност на сообраќајот на патиштата и на возачот на возилото С.К. издаден му е платен налог. Исто така ве информираме дека предметното возилото не е на полициски службеник.
Во врска со постапувањето пак на полициските службеници при подигнувањето на возилото, веќе постапува Одделот за внатрешната контрола, криминалистички истраги и професионални стандарди при МВР и по завршување на целокупната постапка соодветно ќе ја известиме јавноста.
Граѓани издејствуваа пајак службата (ПОЦ) да земе возило неправилно паркирано пред ресторан во скопско „Дебар Маало“. Вработените дојдоа да го „кренат“ возилото, но кога видоа „кој е газдата“ се предомислиле и се качија во камионот за да си заминат, меѓутоа граѓаните ги блокираа и инсистираа да го „кренат“ возилото и не ги интересираше образложението дека се дека се работи за службено возило и дека сопственикот бил полицаец на должност.
„Е ова е корупција. Вака „работи“ коруптивен систем. За ова ги плаќаме со даноци. Секоја корупција убива!“, пишува Љупчо Обоцки на својот Фејсбук профил, кој што го објави ведеото.
„Каква е таа должност четири саати пред кафеана, прашуваа граѓаните кои како што може да се види од објавата на социјалните мрежи го пријавиле случајот.
Полицаецот на должност кој е присутен заедно со вработените во пајкат службата, откако се консултираше со некого дозволи да се „крене поршето“.
Неофицијално, на социјалните мрежи се вели дека возилото е на Срѓан Керим.
Фото: Скриншот од видеото на Фејсбук на Љупчо Обоцки
