Не славам додека не ги видам сите криминалци надвор од државните институции! Не славам додека не ги видам сите криминалци во затвор! Не славам затоа што мајките на Мартин, Тамара, Филип Славковски, Александар Наќевски, Цветанчо Ацковски и Кире Трпковски никогаш нема да прослават со своите деца!
Не славам затоа што сè уште собираме донации за дечиња болни од рак, наместо да имаме услови за нормално здравство!
Не славам затоа што во последните пет месеци починале 61 бебе на клиниката за смрт.
Не славам затоа што прво треба да закажеш 4Д преглед на клиника, па потоа да правиш дете, за да се совпадне терминот!
Не славам затоа што долгот на државата сè уште расте, правопропорционално со вашите насмевки!
Не славам затоа што деца пред камери плачат затоа што се гладни!
Не славам затоа што текстилните работнички немаат слободен ден и работат во мизерни услови за мизерна плата!
Не славам затоа што една соговорничка од Пробиштип, од текстините работнички, низ солзи ми рече дека нејзината деветнаесетгодишна ќерка, оваа година за првпат го видела Охрид.
Не славам затоа што рударите во Злетово сè уште работат без вентилација.
Не славам затоа што една третина од обработливата почва ни е контаминирана и загадена, а надлежните молчат.
Не славам затоа што наместо зад решетки, Груевски е сè уште на слобода и промовира нови вработувања на „Курир“ (со исти услови како за текстилните работнички и рударите).
Не славам затоа што една самохрана мајка не може да си го прати детето во градника, бидејќи градинката нема услови да вработи дефектолог.
Не славам затоа што се отвораат градинки во места каде не се слушнала детска смеа и плач со години, само за сликање и сечење ленти!
Не славам затоа што син ми и денес е на училиште и сè уште учи по Кембриџ!
Не славам затоа што Ромите сè уште (им) се важни само за избори!
Не славам додека ДИК објавува извештаи за некакви наводно завршени работи на службата, а јас сè уште имам фантоми на адреса и голем број граѓани не можат да го искористат своето право на глас!
Не славам додека информации од јавен карактер не им се достапни на граѓаните!
Не славам додека Бетмен сè уште ги склопува коцките!
Не славам затоа што сè уште се тепаат новинари!
Не славам додека лудаци газат луѓе по улици и не одговараат за тоа!
Не славам затоа што локалните бараби сè уште се однесуваат како шерифи, а полицијата ја нема никаде!
Не славам затоа што вработен во јавна администрација, тепач од насилствата во Собранието, им се заканува на моите најблиски!
Не славам затоа што судењето за насилниците од Собранието е одложено, зашто не се појавил бате Геле!
Не славам додека го слушам „претседателот“ на државата како бара амнестија за оние кои се виновни за сето ова!
Не славам затоа што Кочан си искешира милионче, наши пари – за негова слобода!
Не славам затоа што сè уште нè делите на наши и на ваши!
Не славам затоа што ова е само почеток на падот на нешто што системски не уништува 26 години!
Не славам затоа што изминатиов месец направив анкети во девет градови и ниту еден соговорник не ми рече дека постои правда во оваа држава!
Не славам затоа што сè уште не сме свесни во колку длабока бездна сме!
Не славам додека не видам реални промени!
Не славам додека не видам иднина за моите деца тука!
